INFORMACIÓN ASOCIARSE A ANPA CURSO 2014-2015

Estimadas/os  familias,nais, pais, titores:

Na Asemblea xeral ordinaria celebrada o 18 de setembro de 2014 establecéronse as seguintes cotas anuais en pago único para ser socia/o da Anpa Joaquín Costa do CEIP Álvarez Limeses:

Por unidade familiar independente do numero de cativos: 21  euros

Para asociarse hai que seguir os seguintes pasos:

1. Cubrir a folla de inscrición de Socio/a da Anpa Curso 2014-2015. Depositala na caixa de correo da Anpa situada na fachada principal do colexio ou enviala por correo electrónico ao enderezo da Anpa
2. Pago: Pasarase ao cobro no mes de outubro ou novenmbro mediante domiciliación bancaria. Se non domicilia a cota na súa entidade bancaria debe indícalo e facer o pago en efectivo o dia Martes 30 de Setembro de 2014 no vestíbulo de Dirección do colexio en horario de 9:00 a 9:30 hs. (traian a cantidade xusta).

Prazo: O prazo de inscripción ordinaria remata o Martes 30 de setembro de 2014.

As socias e os socios terán dereito a matricularse nas actividades extraescolares que se realizan no colexio (ver horarios e informacion aqui), realizadas pola empresa Anias.

Tamén se poderán matricular con prezos rebaixados en actividades extraescolares fóra do colexio, piscina do Centro Budo e Piscina municipal de Campolongo (ver horarios e informacion aqui)

Por outra banda lembrar que na mesma folla de inscripcion de socio da Anpa poderan adherirse ao seguro escolar de accidente que a Anpa negociou coa compañía Nationale Suisse ao que pode acceder cada nena/o socio da Anpa O seguro custa 6,00 € (pago anual único e por nena/o), e é válido até o 1 de outubro de 2015.nunhas condicións moi vantaxosas.

INFORMACIÓN SEGURO DE ACCIDENTES 2014-2015

A Anpa negociou un seguro de accidentes individual coa compañía Nationale Suisse ao que pode acceder cada nena/o socio da Anpa nunhas condicións moi vantaxosas.

O seguro custa 6,00 € (pago anual único e por nena/o), e é válido até o 1 de outubro de 2015.

Coberturas do seguro de accidentes:

Cubre os accidentes que ocorran durante o periodo lectivo, actividades extraescolares, excursións e traxectos “in itinere”. Todos os accidentes que teñan que ver coas actividades propias do centro escolar, así como as actividades organizadas pola Anpa, excursións, obradoiros e actividades extraescolares. Quedando excluidos únicamente os accidentes acaecidos na vida privada do alumno.

Detalle das coberturas (poden solicitar información detallada á Xunta directiva):

CONTRATACIÓN: Para contratalo preencha as casillas correspondentes na FICHA  DE INSCRIPCIÓN SOCIO/A DA ANPA 2014-2015. O cobro será a primeiros de novembro xunto coa cota da Anpa mediante domiciliación bancaria ou en efectivo o día que se fixe para tal pago.

PRESENTACIÓN CURSO 2014-2015: QUE É A ANPA?

A Asociación de nais e pais Joaquín Costa do Colexio de educación infantil e primaria Álvarez Limeses é unha asociación sen ánimo de lucro que dende 1968 desenvolve diferentes accións para a comunidade escolar, como a organización das actividades extraescolares, a contratación dun seguro de accidentes económico, individual e voluntario para os cativos, excursións fin de curso para todas as aulas, ciclo de cine infantil, participación no desfile de entroido e no Día da muiñeira, ten un representante no Consello escolar, colabora co Colexio en todo aquilo para o que se solicite axuda como o xornal escolar, xestións diversas, mellora das instalacións e equipamento, etc., visita de Papá Noel e séquito, festivais de entroido e fin de curso, entre outras.

A Anpa está constituída conforme ás leis vixentes e figura rexistrada nos rexistros correspondentes, conta con Estatutos propios e é parte da Federación de Anpas de colexios públicos de Pontevedra (Fanpa) e polo tanto de Confapa Galicia e Ceapa a nivel estatal.

Os órganos da Anpa son a Asemblea xeral, que se reúne como mínimo unha vez ao ano, e a Xunta directiva elixida pola Asemblea. Para facer parte da mesma é mester asociarse cun pago único anual que se aproba pola Asemblea. Cada ano renovase parte da Xunta directiva. É preciso seren conscientes do importante papel que ten a Anpa e colaborar alomenos durante un tempo como membro da Xunta, un traballo sinxelo e moi reconfortante. É por iso que solicitamos sempre, e agradecemos enormemente, a participación e apoio en todas as iniciativas. A presenza nos cargos da Xunta directiva na medida das posibilidades de cada un, estamos convencidos, fai que cada día teñamos un mellor colexio para as nosas fillas e os nosos fillos.

Mantemos un blog aberto a todas/os, así como o correo electrónico, e o teléfono. A forma de achegar información asemade por medio de envíos de correo masivos e mediante papel (revisade todos os días as carteiras dos cativos). Neste curso queremos enviar mensaxes aos teléfonos móbiles e dar informacións pola megafonía do colexio na hora da saída.

Faite socia/o achega as túas ideas, queixas, dúbidas á Xunta directiva. Intégrate na mesma unha temporada se podes e queres que a túa achega sexa máis profunda.

                        MOITAS GRAZAS!

Circular 3 do 16 de Setembro de 2014: PISCINA CENTRO BUDO 2014-2015

Continúase coas actividades extraescolores que viñan tendo lugar na piscina de Centro Budo.Toda esta informacion pode verse en:

 PISCINA CENTRO BUDO CURSO 2014-2015

NOTA IMPORTANTE: PARA PODER APUNTARSE NESTA ACTIVIDADE ASI COMO EN CALQUERA OUTRA DAS OFERTADAS POLA ANPA É  PRECISO FACERSE SOCIO DA ANPA UNHA VEZ ABERTO O PRAZO DE INSCRIPCIÓN DE SOCIO PARA O CURSO 2014-2015 

Circular 2 do 16 de Setembro de 2014: PISCINAS DE CAMPOLONGO 2014-2015

PISCINAS DE CAMPOLONGO CURSO 2014-2015

Para incribirse na piscina municipal de Campolongo xestionada pola empresa Serviocio é mester efectuar a inscrición e pago o venres 19 de setembro entre as 9:00 e as 9:30 no vestíbulo de Dirección do colexio. A cota cuatrimestral (de 3 de outubro de 2014 a 30 de xaneiro de 2015) é de 33,60 €. Por favor traian o diñeiro xusto para non ter problemas co cambio. Seguirase rigorosa orde de inscrición pois se trata de prazas limitadas. Trátase dunha sesión semanal de 45 minutos de duración.

Este ano a empresa concesionaria aumenta as posibilidades de escolla de horario, agora debe escoller un día (de luns a venres) e un horario (de 16:30 a 17:15 hs. ou de 17:15 a 18:00 hs.):

LUNS	MARTES	MÉRCORES		XOVES	VENRES
De 16:30 a 17:15 hs.			De 17:15 a 18:00 hs.

As normas desta instalación son especialmente estrictas, sobre todo no que respecta a puntualidade na entrada e recollida de rapazas e rapaces.

Normas da Piscina Municipal de Campolongo (Serviocio). MOI IMPORTANTE!

A actividade de “Natación Extraescolar” deste primeiro cuatrimeste se levará a cabo do 3 de outubro de 2014 ao 30 de xaneiro de 2015.

DURANTE A ACTIVIDADE

Durante a actividade deberá haber polo menos un representante de cada centro para facerse cargo dos rapaces ou poder contactar con el en caso de que xurda algún imprevisto.

Non se pode permanecer nos vestiarios esperando mentres os nenos están na clase.

Lembrámoslles que para poder participar nas clases, todos os rapaces han de traer de xeito OBLIGATORIO un gorro, bañador e chanclas.

É moi recomendable que acudan con gafas de natación axeitadas para a súa idade.

Na instalación non dispoñemos de material para préstamo, pero si dunha tenda para mercar material de piscina e sala.

IDADE MÍNIMA DOS RAPACES

Os nenos que desexen vir ó curso de “Natación Estraescolar” han de estar matriculados no vixente ano, como mínimo, en 2º de Educación Infantil.

Por debaixo deste curso non poderán participar nesta actividade.

HORARIO: As actividades terán unha frecuencia de 1 clase semanal, e unha duración de 45 min por clase.

Para poder participar nas clases todos as/os rapazas/ces terán que traer de xeito OBRIGATORIO un gorro, bañador e chanclas. Non esquezan a toalla. É moi recomendable que acudan con lentes de natación axeitadas para a súa idade.

Sexan puntuais na entrada e recollida da piscina!

 PISCINA CAMPOLONGO 1º CUADRIMESTRE CURSO 2014-2015

Convocatoria de Asemblea Xeral Ordinária Curso 2014-2015

    
  

Convocatoria de Asemblea Xeral Ordinária Curso 2014-2015

A Xunta directiva da Anpa Joaquín Costa do CEIP Álvarez LImeses convoca Asemblea xeral ordinaria para o vindeiro xoves día 18 de setembro de 2014 a celebrar no ximnasio do colexio ás 19:30 hs. en primeira convocatoria (para o que é preciso a metade máis un do censo) e ás 20:00 hs. en segunda convocatoria coa seguinte

Orde do día:

1. Intervención da Direccion do Colexio( PreObras de mellora, LOMCE etc)
2. Lectura e aprobación, se procede, da acta da asemblea anterior.
3. Informe da Xunta directiva sobre o curso 2013-2014.
4. Balance de ingresos e gastos do curso 2013-2014, aprobación se procede mediante votación.
5. Cotas Socio e Orzamento para o exercicio 2014-2015. Votación.
6. Renovación de membros da Xunta directiva.
7. Información e proposta actividades extaescolares.
8. Situación Comedor Escolar e Limpeza
9. Ideas e preguntas.

É moi importante participar na vida da comunidade escolar mediante a Anpa polo que consideramos básico acudir e aportar cada quen segundo as súas posibilidades coa asistencia á Asemblea e sendo parte da Xunta directiva.

Haberá servizo de gardería entre as 19:30 hs. e a fin da asemblea.

É posíbel delegar a asistencia noutra persoa, así deberán prencher e entregar na entrada o formulario:


    Circular 1 do 12 de Setembro  de 2014. Convocatoria Asamblea Xeral Ordinaria

ACTIVIDADES EXTRAESCOLARES CURSO 2014-2015

Estimados pais,

A xestión da empresa Anias inclúe o cobro a través de domiciliación bancaria excepto o mes de Outubro, tal como se indica na folla informativa de Anias. Para comezar as actividades deberase entregar a ANPA a ficha de inscrición debidamente cumprimentada e unha copia de ter feito o ingreso bancario do mes de outubro (ver folla informativa de Anias). A entrega farase no buzón da ANPA ata o venres 26  de setembro de 2014.

• DATA DE REALIZACIÓN do 1 de outubro de 2014 ao 15 de xuño de 2015.
• HORARIO DAS ACTIVIDADES De luns a venres de 16:30 a 18:30 horas.
• INSCRICIÓNS Mediante folla de inscrición que se deixará na caixa do correo da ANPA, vía emailextraescolares@anias.es ou na nosa oficina (Rúa Echegaray nº39, Pontevedra),ata o día 26 de setembro e durante o curso no horario das actividades ao monitor/a,por e mail ou na nosa oficina.
• COTA(mensual) Ver Programa de actividades, no mes de xuño a cota será a metade. A cota inclúe o prezo da actividade sen material.
• COBROS As actividades extraescolares cobraranse por medio de domiciliación bancaria, para comezar nas actividades deberán entregar a ficha de inscrición debidamente cumprimentada.
• BAIXA OU CAMBIO DE ACTIVIDADE Por escrito (solicitar e entregar folla ao monitor/a) e facendo constar o motivo,antes do 20 do mes anterior no que se solicita a baixa ou cambio.
• Nº DE NENOS/AS POR ACTIVIDADE Grupo máximo: 15/20 nenos/as (en función da actividade) Grupo mínimo: 8 nenos/as.
• INFORMACIÓN Oficina:Rúa Echegaray nº 39 baixo, Pontevedra. Horario de : 9:30 a 14:00 - Teléfono:986 864 598 Coordinadora: 615 780 528 de 16:30 a 18:30 (Carmela)

Para mais informacion consultar as Circular de Actividades que seguen :

 Horarios Actividades Extraescolares Anias 2014-2015 

 Ficha inscripción Actividades Extraescolares ANIAS CURSO 2014-2015 

VOLTA AO COLE: BENVIDA AO CURSO 2014-2015

A volta o cole xa esta aquí…¡outra vez¡  hoxe pronunciamos unha frase, que fai uns días non queríamos nin oír... ¡ Rematóuse o verán!!. Apagáronse os raios de sol (que tal vez nunca chegaron), gardamos as chanclas, as bermudas e o bañador e poñémonos as mochilas ao lombo para regresar maña 10 de Setembro de 2014 ao cole.

Saudaremos os nosos compañeiros e entraremos na nosa clase, unha clase que agora esta baleira, pronto os novos e máis pequenos chorando desconsoladamente, os maiores contando as súas fazañas estivais sen poder facelos calar, nin a situación, nin os recortes poderán cambiar esa sensación do primeiro día de clase, as risas, os choros, a felicidade de volver aprender, de dar o mellor de nós para colaborar na educación dos noso fillos/as.

E reflexionando sobre este novo curso 2014-2015, quizás mais duro que o anterior para uns ou mais levadeiro para outros, podería decir moitas cousas, pero todas se poden resumir digamos en que varias personas pequeñas, pero grandes de corazón me dixiron fai meses que, se a vida é como un camiño, que esta Anpa sexa o raio de luz que vaia devorando o voso corazón, deixando grandes pegadas neste curso que comezamos , pois a ensinaza que deixa pegadas, non é a que se fai de cabeza a cabeza, senón de corazón a corazón. 

O ANPA é  como un camiño 

roteiro  que debes recorrer 

Marcado por un  novo curso 

Que non vas a esquecer 

Buscarás un socio 

Que recorra el camino xunto a ti 

Alguien que complete a lista de socios

Y te axude  a ser feliz 

E, topei  un socio  con quen  andar 

E topei, un socio  con quen  soñar 

E ti, ti xunto a min, eu  xunto  a ti 

nesta ANPA hasta que nos chege xuño 

E ti, ti xunto a min, eu  xunto  a ti 

Se un dia deixas de avanzar, 

Sigue o  camino e asóciate sen voltar a vista atrás, 

O  importante ,e creer, en que ó  final 

A ANPA TE ASOCIARÁS

      

CICLO DE CINE: A ANPA despídese do ciclo de cine logrando que Pontevedra se torne unha cidade de cine.

Despois de dúas edicións do ciclo de cine infantil organizado pola Anpa Joaquín Costa do CEIP Álvarez Limeses coa colaboración do Museo de Pontevedra, o Centro galego de artes da imaxe e o Cine club Pontevedra, a Xunta drectiva comunica que despois das conversacións matidas nos derradeiros meses e tralo interese mostrado polos diferentes organismos implicados a Anpa non volverá organizar o ciclo de cine infantil.

Coa Anpa Joaquin Costa do Ceip Álvarez Limeses, como propulsora do mesmo, Museo e CGAI (Centro Galego de Artes da Imaxe) chegaron ao acordo de traer a Pontevedra os ciclos de cine CGAI Junior que consisten na proxección de oito filmes infantís seleccionados entre as mellores producción mundiais coa referencia da calidade, así de cada ofrecerasen sesións aos equipos directivos dos colexios para a asistencia de todas/os as/os alumnos durante o horario lectivo do centro e o sábado unha o máis de ser preciso en sesión/s aberta/s ao público xeral.

Asemade o CGAI vai ofertar o seu programa Cine e fotografía en curso aos centros docentes para que os propios cativos elaboren curtametraxes e aprendan como se reveleban as fotos antes da era dixital.

Cremos que un salto importante para o cinema infantil en Pontevedra, e sentimonos orgullos de que ista "faisca" que prendeu,  partise do CEIP ÁLVAREZ LIMESES, gracias ao voso opoio e como asistentes ó ciclo de Cine que durante iste anos se realizou. Queremos darvos as grazas polo apoio e asistencia ó mesmo durante estes anos, porque se acadamos que que "Pontevedra se volva de cine" é merito voso. Moitas grazas e esperamos seguir contando co voso apoio e participación en cakquer outra iniciativa que se nos pase pola cabeza.

As persoas que se ocupaban da programación do ciclo de cine inafntil ao ficar liberadas dese traballo, están traballando na idea de realizar longametraxes infantís de animación e ficción en Pontevedra, polo que xa fixeron os primeiros contactos coa Fanpa, Facultade de Belas Artes, Pontevedra film comission e outras. En canto haxa novidades seredes informados.