Rexistro Actividades Anpa Curso 2022-2023

Rexistro Actividades Anpa Curso 2022-2023
Actualizado Setembro 2022

venres, 22 de decembro de 2017

Menús e actividades comedor e Plan Madruga - Xaneiro 2018



Informámosvos dos menús e a programación de actividades do comedor escolar e Plan Madruga para o vindeiro mes de xaneiro. Podedes consultar a información completa sobre estes servizos (regulamento, ficha de inscrición etc.) aquí.

Menús - Xaneiro 2018
Actividades - Xaneiro 2018

xoves, 21 de decembro de 2017

Vantaxes para socios - Sentire


Informámosvos dunha nova vantaxe para socios da ANPA.  Lembrade presentar o carnet de socio para acreditar a vosa pertenza á asociación. Podedes acceder á listaxe completa dos establecementos adheridos aquí.
O centro de desenvolvemento infantil e aprendizaxe Sentire ofrece aos socios da ANPA os seguintes descontos: 50% na valoración inicial, 50% no programa de ocio e 10% no tratamento. Mais detalles aquí.

luns, 27 de novembro de 2017

Menús e actividades Comedor e Plan Madruga - Decembro 2017



Informámosvos dos menús e a programación de actividades do comedor escolar e Plan Madruga para o vindeiro mes de decembro. Podedes consultar a información completa sobre estes servizos (regulamento, ficha de inscrición etc.) aquí.

Menús - Decembro 2017
Actividades - Decembro 2017

Circular nº 4 - Curso 2017-2018


A Xunta Directiva da ANPA informa que a partir de agora cada mércores primeiro de mes, estará habilitada a biblioteca do Colexio para que todos/as aqueles socios que o desexen, poidan recibir información das actuacións que está a levar a cabo a Xunta Directiva, así como exponer todas aquelas cuestións que consideren oportunas en relación co funcionamento do ANPA, e para elo estará parte da Xunta Directiva disponible e á espera dos socios que queiran achegarse.

O horario fixado será de 16:30 a 18 horas.

Por mor de que o primeiro mércores de decembro é festivo modificamos esta data para este mércores día 29 de novembro, e quedan fixadas as demais para o 10 de xaneiro, 7 de febrero, 7 de marzo, 4 de abril, 2 de maio e 6 de xuño.

Vantaxes para socios - Curso 2017-2018


Informámosvos de novas vantaxes para socios da ANPA.  Lembrade presentar o carnet de socio para acreditar a vosa pertenza á asociación. Podedes acceder á listaxe completa de comercios adheridos aquí.
A clínica Ortodent Pontevedra quere beneficiar aos socios da ANPA cunha primeira consulta gratuíta e sen compromiso, incluíndo o estudo completo de ortodoncia; ademais do 10% de desconto en calquera tratamento.

mércores, 22 de novembro de 2017

Xornadas de portas abertas


Dende a ANPA queremos convidarvos a que traiades aos vosos fillos e fillas a unhas xornadas gratuitas de portas abertas, sexades ou non socios, das seguintes actividades:

ActividadeHoraDíaNivel
Patinaxe 16:30 a 17:30 Luns 27 de novembro Primaria
Expresión musical e corporal 16:30 a 17:30 Luns 27 de novembro Infantil, 1º e 2º primaria
Ciencia divertida 16:30 a 17:30 Luns 27 de novembro Primaria
Teatro 16:30 a 17:30 Venres 24 de novembro 3º a 6º primaria
Danzas urbanas 17:30 a 18:30 Mércores 29 de novembro Primaria

Máis vantaxes para socios da ANPA


Informámosvos de novas vantaxes para socios da ANPA.  Lembrade presentar o carnet de socio para acreditar a vosa pertenza á asociación. Podedes acceder á listaxe completa de comercios adheridos  aquí.

Vista Óptica ofrecevos descontos dende o 15% (según productos) para os socios da ANPA.
A tenda de calzado e roupa infantil  Elvi ofrece un 10% de desconto no primeiro par de zapatillas, un 15% no segundo par e o 10% de desconto en zapatos e roupa (non acumulables a outras ofertas).
O estudio de fotografía e imprenta  Arte Dixital ofrece un 10% de desconto en fotos e reportaxes (consultar no comercio para o resto de artículos).
As Mercerías Jota ofrece un 10% de desconto para os socios da ANPA.

luns, 13 de novembro de 2017

Recordatorio para inscricións ANPA 2017-2018


Informámosvos de que o prazo para facerse socio neste curso 2017-2018 con seguro escolar remata o día 15 de novembro de 2017. Despois desta data non se admitirán altas de ningún seguro escolar.
Aínda así o prazo para asociarse continuará aberto ata o día 15 de decembro de 2017, xa sen seguro escolar.

Os socios que aínda non recolleron o seu carnet poderán facelo á hora de entrada do colexio, solicitándoo a algún membro da directiva.




¿COMO FACERSE SOCIO?

Para acceder ás actividades e vantaxes é imprescindible ser socio da ANPA (para estar cuberto polo seguro). Na asemblea xeral ordinaria celebrada o 14 de setembro de 2017 estableceuse unha cota anual en pago único para ser socia/o da ANPA Álvarez Limeses de 25€ por unidade familiar, independente do número de cativos.

Para asociarse, cubrir o formulario de inscrición e depositalo na caixa de correo da ANPA ou enviar por correo electrónico ao enderezo da ANPA.

No mesmo formulario de inscrición de socio da ANPA é posible adherirse ao seguro de accidentes individual que a ANPA negociou coa compañía Helvetia. Trátase dunha cota anual única de por nena/o de 7,50 € e é valido até o 1 de outubro de 2018.


xoves, 21 de setembro de 2017

Actividades extraescolares ANIAS curso 2017-2018

ACTIVIDADES ANIAS 2017-2018

Listaxe e información da oferta de actividades extraescolares de ANIAS para o CEIP Álvarez Limeses durante o curso 2017-2018.

Actividade extraescolar - Leis Pontevedra F.S.

FUTBOL SALA - LEIS PONTEVEDRA

Actividade extraescolar de fútbol sala xestionada polo Leis, servíndose da experiencia e dos medios cos que conta un clube referente na formación deportiva e humán de xóvenes xogadores. Cuns obxectivos e contidos definidos, un persoal cualificado que atenderá á diversidade dos grupos e cunha metodoloxía profesional.

Información asociarse ao ANPA Curso 2017-2018

ASOCIARSE AO ANPA CURSO 2017-2018

Na asemblea xeral ordinaria celebrada o 14 de setembro de 2017 estableceuse unha cota anual en pago único para ser socia/o da ANPA Álvarez Limeses de 25€ por unidade familiar, independente do número de cativos.

Para asociarse:
  1. Inscrición: hai que cubrir o formulario de inscrición e depositalo na caixa de correo da ANPA ou enviar por correo electrónico ao enderezo da ANPA.
  2. Pago: Pasarase ao cobro no mes de novembro en caso de escoller a domiciliación bancaria. O pago en efectivo farase o luns 25 de setembro de 2017 no vestíbulo de Dirección do Colexio, en horario de 9:00 a 9:30.
Por outra banda, no mesmo formulario de inscrición de socio da ANPA é posible adherirse ao seguro de accidentes individual que a ANPA negociou coa compañía Helvetia. Trátase dunha cota anual única de por nena/o de 7,50 € e é valido até o 1 de outubro de 2018.


mércores, 20 de setembro de 2017

CIRCULAR 2, do 20 de setembro - Piscinas de Campolongo e Budo 2017-2018

PISCINAS DE CAMPOLONGO CURSO 2017-2018

Para inscribirse no 1º Cuadrimestre na piscina municipal de Campolongo xestionada pola empresa Serviocio é mester efectuar a inscrición e pago o martes 26 de Setembro de 2017 entre as 9:00 e as 9:30 no vestíbulo de Dirección do colexio. A cota do 1º cuadrimestre (do 02/10/2017 ao 31/01/2018 ambos dous inclusive) é de 35€ socios/45€ non socios. Por favor traian o diñeiro xusto para non ter problemas co cambio. Seguirase rigorosa orde de inscrición pois as prazas son limitadas. Trátase dunha sesión semanal de 45 minutos de duración.


PISCINAS BUDO CURSO 2017-2018

A actividade extraescolar de natación para os socios da ANPA Álvarez Limeses desenrolarase na piscina BUDO entre o 02/10/2017 e o 29/06/2018. Xunto co impreso de inscrición e antes do comezo da actividade debe abonarse a cota do primeiro trimestre e informar o número de conta a efectos de domiciliación bancaria dos recibos sucesivos. Para os alumnos que non poidan asistir ás clases ofertadas, ponse á súa disposición calquera dos horarios habituais do centro cun desconto do 20% sobre a cota mensual correspondente.

mércores, 21 de xuño de 2017

ALERTA ANPA:SE NON HAI XUNTA DIRECTIVA, O ANPA DESAPARECE

ADEUS É UN BERRO QUE QUERE DECIR “BENVIDO”
(Adeus Pablo, Suso e Manuel...Benvidos novos directivos)

Estimadas/os socias/os, familias, e comunidade educativa en xeral:






Estes días intensos, poñen fin a anos de compromiso da cabeza visible desta directiva (Presidente, Vicepresidente e Tesoureiro) co ANPA JOAQUIN COSTA DO CEIP ÁLVAREZ LIMESES. Queromos dirixirnos a todas/os   as/os que formades parte desta asociación e da comunidade educativa do Ceip Álvarez Limeses. Foron anos de proxectos, traballos e desafíos. Pablo Gómez, Jesús Miguel Coejo  e Manuel Álvarez adicaron 7 , 4 e 9 anos respectivamente por e para ista Asociación, que por fin de ciclo e outras vicisitudes familiares e persoais  deben abandoar os postos directivos dista ANPA.

Dende o resto de directivos do Anpa queremos agradecerlle todos estes anos traballando polos nosos cativos. GRAZAS AOS TRES , porque se ista Anpa acadou case  85% de Socios e en parte grazas a vosa labor á fronte.


Dende a xunta  directiva da ANPA queremos  informar da necesidade de renovar os cargos actuais que van quedar vacantes se non hai candidatos. De non xurdir candidatos, a ANPA corre risco desaparecer e todo o que ata agora viña asumindo a Anpa se perderá en detrimento da educación das nosas/os fillas/os. Desaparecerían os servizos de Comedor e Plan Madruga, as actividades extraescolares, as excursións de fin de curso etc... entre moitas das cousas nas que a ANPA é parte activa organizativa e/ou economicamente. Isto é así e esperamos que anime a posibles candidatos dubitativos tanto para a xunta directiva como para a formación dos grupos de traballo.


Un pai/nai implicado en temas educativos, que participa no ANPA, polo xeral, é un pai/nai participativo, con capacidade de iniciativa, con certo espírito crítico, non pasivo, que á vez está a aprender sobre temas educativos e de xestión para os que quizá non estea totalmente preparado. Tendo en conta que as nais e os pais educamos sobre todo a través do exemplo, non son estes os valores e as competencias que queremos que adquiran e desenvolvan os nosos fillos e fillas? Con todo o anterior acórdase facer un chamamento á comunidade educativa para novas propostas de candidatura e lanzar as seguintes mensaxes:

QUE  HOXE ADEUS SEXA UN BERRO QUE QUERE DICIR “BENVIDO”
SE NON HAI XUNTA DIRECTIVA, O ANPA DESAPARECE!!!
ANIMAR AOS FUTUROS CANDIDATAS/OS!  
VÉMONOS NA ASAMBLEA ORDINARIA DE SETEMBRO
UN SAÚDO A XUNTA DIRECTIVA

martes, 20 de xuño de 2017

O ANPA ÁLVAREZ LIMESES SEGÚN MARUXIÑA: NON DEIXES QUE DESAPAREZA

Maruxiña, alumna do CEIP ALVAREZ LIMESES, nos da a súa visión sobre o ANPA, e nos insta a non deixar que o logrado en anos se malogre, facendo un chamamento a nais e pais para asociarse vindeiro curso e a formar parte activa desta aventura facéndose integrantes da Xunta Directiva o vindeiro curso. 

Fadecelle caso a Maruxiña , o ANPA do curso 2017-2018 está nas vosas mans!!



luns, 19 de xuño de 2017

FESTA FIN DE CURSO 2016-2017

O VENRES PRÓXIMO DÍA 23 DE XUÑO, durante a mañá de 11 a 13 horas aproximadamente, celebrárase no colexio e só para todas/os os cativos a festa fin de curso. Organizaremos dende a Anpa a festa como nos anos anteriores, é dicir, festa no interior do colexio para as seis aulas de infantil (3, 4 e 5 anos) e para primaria con:

*     FESTA INFANTIL (3,4,5 anos)
Festa no Ximnasio e patio interior do colexio.
Organización dos nenos por grupos de idade 
que irán rotando polas actividades a modo de
circuíto, con inchábel, xogos populares e 
xogos de animación.




*     FESTA PRIMARIA (1º,2º,3º,4º,5º,6º)
FESTA TEMÁTICA DA AGUA E FIN DE FESTA CON ESPUMA, no patio exterior do colexio, que estará acompañada de animación musical na que os monitores irán dirixindo xogos  e actividades a realizar a modo de circuíto por clases:

·          Triro acuático
·         Baloncesto esponxa
·         Diana submarina
·         Bebedor desesperado
·         Carreira de Gobeletes
·         Transportadores de Auga
·         Carreira de Bombeiros
·         Encher o Balde….


IMPORTANTE: Pedimos a vosa colaboración para que os rapaces e rapazas de primaria xa veñan preparadas/os  dende  a casa cunha camiseta e pantalón (longo, curto, falda ), que se poidan mollar. Recomendamos que  traian unha muda para cambiarse ao rematar a actividade( camiseta, pantalón, e muda interior seca  e calzado)


O calzado  debe ser axeitado para este tipo de actividades como: fanequeiras, ou  tenis que se poidan mollar. (evitaremos as chancletas que non se suxeiten ao pé para evitar caídas).