Rexistro Actividades Anpa Curso 2022-2023

Rexistro Actividades Anpa Curso 2022-2023
Actualizado Setembro 2022

sábado, 27 de xuño de 2015

BO VERÁN 2015




Dende a  ANPA  só queremos desexarvos un FELIZ VERÁN.
Esperamos que gozásedes connosco este ano, esperamos que vos gustasen as actividades que impulsamos, as festas que organizamos, as ideas que propuxemos, que volo pasásedes en grande na festa de fin de curso e na viaxe a illa de Ons
Nós gozamos convosco e sobre todo vendo os nenos e nenas do noso colexio felices de compartir estes momentos tan máxicos e divertidos cos seus amigos/as. Así é que dende aquí só queremos dicir...

GRAZAS POR COMPARTIR CONNOSCO TODOS ESTES MOMENTOS
E tamén queremos dar as grazas ás mamás e aos papás, equipo directivo, mestres, personal de servizos etcc.. que este ano nos axudaron de forma desinteresada, dedicando gran parte do seu tempo no labor para todos os nosos fillos e fillas
.
Unha vez máis, pedir desculpas naquilo que nos equivocásemos ou se non satisfixemos todas as necesidades de todo o mundo, é moi difícil ter a todo o mundo contento... "nunca chove a gusto de todos" e sobre todo, recordade que o ANPA e todas as persoas que nos axudan, nos desvivimos por facer as cousas o mellor posible sen recibir nada a cambio, de forma altruísta, facendo uso do noso tempo libre e co único interese de que os nosos fillos e fillas sexan felices e poidan optar a cousas novas. E como, non recordarvos tamén que estamos abertos a novas suxestións e axudas para o próximo ano.

Sen máis, desexámosvos un feliz descanso, gozade  do voso tempo libre, dos vosos hobbies, da praia ou a montaña, do sol ou da chuvia, do deporte, dos amigos e amigas, do campo ou a piscina, das viaxes, os museos, a música etc. etc... non deixedes que a vida vos pare.

Dende o ANPA, desexámosvos unhas moi felices vacacións vemonos o 10 de Setembro!!
Recibide un cariñoso saúdo,


XUNTA DIRECTIVA A.N.P.A. COLEXIO ÁLVAREZ LIMESES.



martes, 23 de xuño de 2015

COMUNICADO DE PRENSA: PRESENTACIÓN DEMANDA ANPA VS CONCELLO DE PONTEVEDRA




A xunta directiva da Anpa  Joaquin Costa do CEIP Álvarez Limeses, quere comunicar a opinión pública o seguinte:

Onte esta Anpa presentou recurso contencioso-administrativo, seguindo o mandato unánime da Asamblea Xeral Extraordinaria, do 23 de Marzo de 2015, contra o procedemento e as bases de concesións de subvencións a Anpas e as resolucións pola que se concede unha subvención a nosa Anpa por parte do Concello de Pontevedra.


Os principais motivos da presentación deste recurso son:

  1. A Concellería de Educación do Concello de Pontevedra, incumpriu as súas propias bases da convocatoria, polo que o procedemento esta infestado de irregularidades que atañen decisivamente a súa legalidade. Ademais, as bases, vulneraron as leis estatal e galega sobre subvencións. Isto supuxo indefensión (ao non contestar o noso recurso de revisión), inseguridade xurídica e violación dos principios de publicidade e igualdade entre outros.
  2. Non aceptar a rectificación dun erro tipográfico na solicitude, despois de poñelo en coñecemento das persoas responsables do procedemento, significa unha resolución inxusta con coñecemento por parte das mesmas.

Esta Xunta Directiva, quere dunha vegada máis poñer en coñecemento da opinión publica que os conflitos que estar a ocorrer na educación ( limpeza dos centros educativos e comedores de Pontevedra, obras no CEIP Froebel, orde de banco de libros da Xunta de Galicia), denotan que polos dirixentes non se está a tratar a ensinanza coa consideración que debe ser este sector fundamental para o país. Cómpre que a sociedade sexa quen de pór o foco no tipo de educación que queremos ter para mellorar o futuro dos nosos cativos.

A demanda completa pode consultarse en


                                                  


Pontevedra, 23 de xuño de 2015


martes, 16 de xuño de 2015

FESTA FIN DE CURSO 2014-2015

O venres próximo día 19 de Xuño, durante a mañá  de 11 a 13 horas aproximadamente,celebrárase no colexio e só para todas/os os cativos o festa fin de curso. Organizaremos dende a Anpa a festa como nos anos anteriores, é dicir, festa no interior do colexio para as seis aulas de infantil (3, 4 e 5 anos) e para primaria con:

  FESTA INFANTIL (3,4,5 anos)

Festa no Ximnasio e patio interior do colexio. Organización dos nenos por grupos de idade que irán rotando polas actividades a modo de circuíto, con hinchable, xogos populares e xogos de animación.



FESTA PRIMARIA (1º,2º,3º,4º,5º,6º)



Festa da espuma, no patio exterior do colexio, que estará acompañada de animación musical na que os monitores irán dirixindo xogos  e actividades a realizar  na espuma.






IMPORTANTE: Pedimos a vosa colaboración para que os rapaces e rapazas xa veñan preparadas/os  dende  a casa cunha camiseta e pantalón (longo, curto ou falda ), que se poidan mollar. Recomendamos que  traian unha muda para cambiarse ao rematar a actividade( camiseta, pantalón, e muda interior seca  e calzado)

O calzado  debe ser axeitado para este tipo de actividades como: fanequeiras, ou  tenis que se poidan mollar. (evitaremos as chancletas que non se suxeiten ao pé para evitar tropezóns).
                    

xoves, 11 de xuño de 2015

LEMBRADE: VIAXE A ILLA DE ONS (MAÑÁ ÚLTIMO DÍA PARA APUNTARSE)




Propoñémosvos  dende a Anpa, como como colofón a este curso 2013-2014 un marabilloso retorno ao pasado-futuro paseo no que sen dúbida, poderedes voltar a gozar e poder disfrutar cual viaxe no tempo da riqueza paisaxística do arquipélago de Ons.






  • 9:15 hs. Embarque no Porto de Marin (Pantalán exterior a escola Naval)
  • 10,30 hs. Chegada a Illa de Ons. Tempo libre para percorrer a illa seguindo as múltiples rutas ou desfrutar dos seus areais.
  • 19,30 hs. Partida de Ons.
  • 20,30 hs. Chegada ao peirao de Marín. Fin do viaxe no tempo.




NSCRIPCIÓN E PAGO: Para disfrutar dun dia inmellorábel nun marco incomparábel debedes apuntarvos o maña día  12 de xuño ( venres) no “hall” de dirección do colexio de 9:00 a 9:30 hs. ATA COMPLETAR AFORO 245 persoas

PREZOS: Profesorado e nais, pais, titoras/es, alumnos socios: 5,00 € por persoa. Non socios: 15,00 € por persoa.


venres, 5 de xuño de 2015

VIAXE A ILLA DE ONS: SÁBADO 20 DE XUÑO DE 2015


Propoñémosvos dende a Anpa, como como colofón a este curso 2014-2015 un marabilloso retorno ao pasado-futuro paseo no que sen dúbida, poderedes voltar a gozar e poder disfrutar cual viaxe no tempo da riqueza paisaxística do arquipélago de Ons.

  •       9:15 hs. Embarque no Porto de Marin (Pantalán exterior a escola Naval)
  •      10:30 hs. Chegada a Illa de Ons. Tempo libre para percorrer a illa seguindo as multiples rutas ou desfrutar dos seus areais.
  •      19,30 hs. Partida de Ons.
  •      20,30 hs. Chegada ao peirao de Marín. Fin do viaxe no tempo.








INSCRIPCIÓN E PAGO: Para disfrutar dun dia inmellorábel nun marco incomparábel debedes apuntarvos os próximos días 11 e 12 de xuño (xoves e venres) no “hall” de dirección do colexio de 9:00 a 9:30 hs. ATA COMPLETAR AFORO 245 persoas

PREZOS: Profesorado e nais, pais, titoras/es, alumnos socios: 5,00 € por persoa. Non socios: 15,00 € por persoa.


NOTA: Debedes traer xantar para a praia, bebida, bañador, toalla, protector solar, etc.





mércores, 3 de xuño de 2015

Fondo solidario de libros de texto.

Esta convocatoria ten por obxecto regular os aspectos básicos do funcionamento do fondo solidario de libros de texto destinado ao alumnado matriculado en 3º e 5º de educación primaria e en 2º e 4º de educación secundaria obrigatoria en centros docentes sostidos con fondos públicos da Comunidade Autónoma de Galicia no curso 2015/16.

Os libros de texto utilizados no curso 2014/15 nos niveis incluídos nesta orde manteranse no curso 2015/16.

Está excluído do ámbito de aplicación da orde o alumnado matriculado nos centros e cursos incluídos no proxecto educación dixital (EDIXGAL) no curso 2015/16.

Beneficiarios:

Alumnado matriculado en 3º e 5º de educación primaria e en 2º e 4º de educación secundaria obrigatoria en centros docentes sostidos con fondos públicos da Comunidade Autónoma de Galicia no curso 2015/16.

Obrigas do alumnado beneficiario.
O alumnado beneficiario dos libros de texto do fondo solidario está obrigado a usalos correctamente e a conservalos en bo estado; así mesmo, deberá devolvelos ao fondo solidario ao rematar o curso escolar 2015/16 (en xuño ou en setembro, segundo o caso). No suposto de traslado de centro durante o curso, deberá devolver os libros recibidos.

Requisitos:

1. O alumnado deberá devolver os libros de texto adquiridos con cargo ás axudas do curso 2014/15 unha vez feitos os exames, e como máximo, o 19 de xuño de 2015. Non obstante, o alumnado de 2º ou 4º de educación secundaria obrigatoria que teña algunha materia pendente, poderá quedar co libro correspondente ata que se examine, e como máximo, ata o día 4 de setembro de 2015.

O centro docente gravará estas devolucións na aplicación Axudaslibros, para poder xerar a listaxe co número de exemplares dispoñibles por materia.

2. A falta de devolución dos libros de texto será causa de exclusión da participación no fondo solidario.

3. Así mesmo, para xestionar o fondo solidario de libros de texto, o centro docente reflectirá na nova aplicación informática Fondolibros o número de exemplares dispoñibles de cada materia antes do 2 de xullo de 2015 (este incluído).

Os exemplares correspondentes a materias de 2º e 4º de educación secundaria obrigatoria, que devolva o alumnado despois dos exames de setembro, reflectiranse na aplicación antes do 9 de setembro de 2015 (este incluído).


Documentación:

  • Poderán presentar solicitude o/a proxenitor/a ou representante legal do alumnado matriculado ou que se vaia matricular no curso 2015/16 nos niveis educativos incluídos nesta orde.

    No caso do alumnado suxeito a tutela ou garda da Xunta de Galicia, deberá presentar a solicitude a persoa titular da dirección do centro de menores ou a persoa con que conviva en acollemento familiar.
  • As solicitudes presentaranse en soporte papel preferentemente no centro onde estea matriculado ou se vaia matricular o alumnado no curso 2015/16. Así mesmo, poderán presentarse en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións publicas e do procedemento administrativo común.
  • As solicitudes presentaranse no formulario normalizado do anexo I desta orde, que poderá obterse nas xefaturas territoriais da consellería competente en materia de educación.

    Ademais, a sede electrónica da Xunta de Galicia (https://sede.xunta.es) ten á disposición das persoas interesadas unha serie de modelos normalizados dos trámites máis comunmente utilizados na tramitación administrativa, que poderán ser presentados en calquera dos lugares e rexistros antes citados.

    O modelo normalizado (código de procedemento: ED330D), tamén estará dispoñible no portal educativo, enderezo: http://www.edu.xunta.es

    Así mesmo, o centro docente poderá xerar a solicitude, logo de introducir os datos da persoa solicitante na aplicación informática Fondolibros.
  • A solicitude é individual; polo tanto, deberá presentarse unha solicitude por cada alumno ou alumna.
  • A presentación da solicitude implicará que o/a solicitante acepta as bases da convocatoria, manifesta que reúne os requisitos exixidos nela e que son veraces os datos que constan na solicitude; que se compromete a conservar os libros de texto e material recibidos en bo estado, e a devolvelos ao fondo solidario de libros de texto ao finalizar o curso 2015/16.
  • Forma de presentación da documentación:
    • a) Cando a solicitude e a documentación preceptiva se presenten no centro achegaranse fotocopias e os respectivos orixinais, para que a persoa que a reciba verifique a súa autenticidade.
    • b) Cando se presenten nun lugar distinto do centro, a solicitude irá acompañada dos documentos orixinais ou copias cotexadas.

      En todo caso, os documentos deberán ser válidos e eficaces no momento da súa presentación, e reflectirán a situación persoal, familiar e económica o 31 de decembro de 2013, agás no caso de violencia de xénero, en que se aplicará o disposto na lexislación específica.
  • Documentación acreditativa.
    • a) Identidade. Achegarase copia do DNI ou NIE dos membros computables da unidade familiar, cando non autoricen a consulta de forma telemática.
    • b) Membros computables da unidade familiar. Achegarase copia do libro de familia onde figuren todos os membros computables. Nos casos en que non teñan libro de familia ou este non reflicta a situación o 31 de decembro de 2013, poderán acreditar o número de membros utilizando, entre outros, algún dos seguintes medios:
      • 1º. Sentenza xudicial de separación ou divorcio ou, de ser o caso, convenio regulador onde conste a atribución da custodia do/a menor.
      • 2º. Certificado ou volante de convivencia.
      • 3º. Informe dos servizos sociais ou do órgano equivalente do concello onde resida a familia.
      • 4º. Certificado de falecemento.

        Nos casos especiais, en que a composición da unidade familiar non se axuste ao sinalado no artigo 8 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el, ou un certificado dos servizos sociais do concello que acredite a situación familiar.
    • c) Grao de discapacidade. Achegarase o certificado acreditativo do grao de discapacidade emitido polo órgano competente ou o documento acreditativo da condición de perceptor dunha pensión da Seguridade Social por incapacidade permanente total, absoluta ou grande invalidez, ou dunha pensión de clases pasivas por xubilación ou retiro por incapacidade permanente para o servizo ou inutilidade.
    • d) Renda familiar. Achegarase copia da declaración do imposto sobre a renda das persoas físicas ou, na falta desta, do certificado tributario de imputacións dos membros computables da unidade familiar distintos da persoa solicitante, cando non autoricen a consulta de forma telemática.
    • e) Violencia de xénero. Acreditarase en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.
    • f) Incapacitación xudicial con patria potestade prorrogada ou rehabilitada. Acreditarase coa correspondente resolución xudicial.
    • g) Tutela ou garda da Xunta de Galicia. Achegarase a resolución xustificativa do acollemento familiar ou o certificado do centro de menores.


ORDE do 22 de maio de 2015 pola que se convocan axudas para a adquisición de libros de texto destinadas ao alumnado matriculado en 1º, 2º, 4º e 6º de educación primaria, 1º e 3º de educación secundaria obrigatoria ou educación especial, en centros sostidos con fondos públicos, para o seu uso no curso escolar 2015/16.

O obxecto desta orde é convocar axudas para a adquisición de libros de texto destinadas ao alumnado matriculado en 1º, 2º, 4º e 6º de educación primaria, en 1º e 3º de educación secundaria obrigatoria ou en educación especial, en centros sostidos con fondos públicos da Comunidade Autónoma de Galicia, no curso escolar 2015/16, para o seu uso neste ano académico. 


Está excluído do ámbito de aplicación desta orde o alumnado matriculado nos centros e cursos incluídos no proxecto educación dixital (Edixgal) no curso 2015/16.



Esta convocatoria tramitarase polo procedemento establecido no artigo 19.2 da Lei 9/2007, do 13 de xuño, de subvencións de Galicia, tendo en conta que polo obxecto e finalidade da subvención non será necesario realizar a comparación e prelación das solicitudes presentadas nun único procedemento.

Beneficiarios:

Alumnado matriculado en 1º, 2º, 4º e 6º de educación primaria, en 1º e 3º de educación secundaria obrigatoria ou en educación especial, en centros sostidos con fondos públicos da Comunidade Autónoma de Galicia, no curso escolar 2015/16.


Obrigas dos beneficiarios.



A concesión da axuda comporta as seguintes obrigas:
a) Seguir as directrices que marca a orde da convocatoria e destinar o importe da axuda na súa integridade á adquisición dos libros de texto propios do curso académico para o que se solicitou a axuda, segundo a relación que, para tal efecto, teña publicado o centro onde estea matriculado o alumnado.
b) Cooperar coa Administración educativa en cantas actividades de inspección e verificación leven a cabo, para asegurar o correcto destino da axuda.
c) As establecidas para os beneficiarios no artigo 11 da Lei 9/2007, do 13 de xuño, de subvencións de Galicia.
d) Conservar en bo estado os libros de texto adquiridos con cargo ao importe das axudas, así como incorporalos, ao rematar o curso escolar 2015/16 (xuño ou setembro, segundo o caso), a un fondo solidario que se constituirá no centro (banco de libros), que permita a súa reutilización nos seguintes cursos académicos como medida que favoreza o establecemento dun sistema de socialización do seu uso.



Exclúese desta obriga ao alumnado beneficiario de 1º e 2º de primaria, así como o de educación especial e aquel cunha discapacidade igual ou superior ao 65 %, sempre que o material adquirido con cargo á axuda non poida ser reutilizado.

Requisitos:

a) Ser pai/nai/titor ou titora legal do alumnado matriculado nos cursos obxecto desta convocatoria en educación primaria, educación secundaria obrigatoria ou en educación especial, ou do alumnado previsto na disposición adicional primeira desta convocatoria, nun centro sostido con fondos públicos da Comunidade Autónoma de Galicia, durante o curso escolar 2015/16.
b) Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións de Galicia.
c) Para o alumnado de educación primaria e educación secundaria obrigatoria ter unha renda per cápita familiar igual ou inferior a 9.000 euros. Para a determinación da renda per cápita familiar terase en conta o disposto no artigo 6 desta orde.
d) Ter devolto os libros de texto e/ou material reutilizable adquirido coas axudas do curso 2014/15.


O prazo máximo para esta devolución será o 19 de xuño 2015. Non obstante, o alumnado de educación secundaria obrigatoria que teña algunha materia pendente poderá quedarse co libro correspondente ata que se examine e, como máximo, ata o 4 de setembro de 2015.

DOCUMENTACIÓN:

Unha vez cuberta a solicitude deberán presentarse, xunto coa documentación segundo se indica no artigo 3 desta orde, debidamente asinada polo pai, a nai ou titor/a do alumnado. Todo isto sen prexuízo da sinatura por parte do resto dos membros da unidade familiar que obteñan ingresos, excepto nos supostos de separación ou divorcio, nos cales poderá omitirse a sinatura do proxenitor que non teña a custodia do menor.


  • A aplicación informática para a xestión das axudas tamén permitirá a xeración da solicitude unha vez introducidos os datos polo centro.
  • Se a solicitude se presenta no centro docente onde está matriculado/a o alumno/a, presentarase orixinal e copia da documentación, co fin de que a persoa que a reciba poida verificar a autenticidade da copia e devolva os orixinais. En caso de que a presentación non se faga no centro, deberá presentarse orixinal ou copia debidamente compulsada.

    A documentación que hai que achegar nas ensinanzas e cursos obxecto desta convocatoria é a seguinte:
  • Alumnado de educación primaria e de educación secundaria obrigatoria.

    Copia do DNI/NIE só no caso de non autorizar a súa consulta no Sistema de verificación de datos de identidade.
    • a) Libro de familia en que figuren todos os membros da unidade familiar. 

      Só no caso de non ter libro de familia ou se a situación familiar, en día 31 de decembro de 2013, non coincide coa reflectida no libro, terá que presentarse documento ou documentos acreditativos do número de membros da unidade familiar, tales como:
      • 1. Sentenza xudicial de separación ou divorcio e/ou o convenio regulador onde conste a custodia do causante.
      • 2. Certificado ou volante de convivencia.
      • 3. Informe dos servizos sociais ou órgano equivalente do concello de residencia que acredite a situación familiar.
    • b) No caso de discapacidade dalgún dos membros da unidade familiar incluídos na solicitude, ou do alumno igual ou superior ao 33 % e inferior ao 65 %, deberá presentarse un dos seguintes documentos que acrediten esta circunstancia o 31 de decembro de 2013:
      • 1. Certificado emitido polo órgano competente do grao de discapacidade cunha porcentaxe igual ou superior ao 33 %,
      • 2. Resolución ou certificado emitido pola Seguridade Social de pensión de incapacidade permanente nos graos de total, absoluta ou gran invalidez, ou
      • 3. Documentación acreditativa da condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade.
    • c) No caso de situación de violencia de xénero no ámbito familiar: documentación acreditativa. 

      O alumnado matriculado en educación especial, en centros específicos ou en unidades de educación especial en centros ordinarios, segundo establece o Decreto 229/2011, do 7 de decembro (Diario Oficial de Galicia do 21 de decembro), unicamente deberá presentar a solicitude de axuda. 

      O alumnado cunha discapacidade igual ou superior ao 65 %, só ten que presentar a certificación emitida polo órgano competente do grao de discapacidade, xunto coa solicitude da axuda.
  • A documentación que se achegue deberá ter validez no momento da presentación da solicitude.
  • O centro educativo poderá requirir das persoas solicitantes, en calquera momento, aclaración da documentación presentada.
  • Os centros docentes prestarán asesoramento ás persoas interesadas para que cubran as solicitudes de xeito correcto en todas as súas epígrafes e acheguen a documentación requirida por esta orde.
  • As solicitudes (anexo I) deberán presentarse en soporte papel, preferentemente no centro en que estea matriculado o alumno ou alumna, ou en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia, https://sede.xunta.es

    A sede electrónica da Xunta de Galicia ten á disposición das persoas interesadas unha serie de modelos normalizados dos trámites comunmente utilizados na tramitación administrativa, que poderán ser presentados en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.

    Presentarase unha solicitude por cada alumno ou alumna matriculados, de xeito que, se un solicitante ten varios fillos ou fillas matriculados nas ensinanzas obxecto da convocatoria, xa sexa no mesmo ou en distinto centro, deberá presentar unha solicitude para cada un deles.
  • * O prazo de presentación de solicitudes para o alumnado matriculado no ano académico 2015/16 nas ensinanzas e cursos obxecto desta convocatoria é o seguinte: 
    a) Para o alumnado de educación primaria e educación especial: un mes desde o día seguinte ao da publicación desta orde no Diario Oficial de Galicia.
    b) Para o alumnado de educación secundaria obrigatoria que formalice a matrícula no prazo ordinario: do 25 de xuño ao 27 de xullo de 2015, ambos inclusive.
    c) Para o alumnado de educación secundaria obrigatoria que formalice a matrícula no prazo extraordinario: do 2 de setembro ao 2 de outubro de 2015, ambos inclusive.
    d) Para as novas incorporacións de alumnado que se produzan ao longo do curso con posterioridade aos períodos indicados, o prazo será dun mes e contarase a partir do día seguinte ao da formalización da matrícula. En todo caso, o prazo para presentar a solicitude para as novas incorporacións terá como data límite o 31 de marzo de 2016.