Como vén sendo habitual, o programa de Nadal da FANPA ofrece dúas facetas, as ludotecas do “Concilianadal” para rapaces de 3 a 12 anos e os “Obradoiros” para os de entre 6 e 14.
As ludotecas de Concilianadal acollen a nenas e nenos nas instalacións dos centros educativos de Primaria de Campolongo e Manuel Vidal Portela, en horario de 9.00 a 14.00 horas.
O prazo de inscrición tanto para ludotecas do período como para os obradoiros diarios é do 12 ao 16 de decembro. Para as ludotecas, exclusivamente mediante o envío da ficha cuberta por de correo electrónico a ludotecas@nontedurmas.org mentres que a inscrición nos obradoiros de cociña en Nadal e velas artesanais recolleranse presencialmente na oficina da FANPA, na nosa sede da rúa Xan Guillerme, 9.
PRAZAS:
Como as prazas son limitadas, a adxudicación será pola modalidade á que os/as solicitantes pertenzan no caso das ludotecas e por orde de inscrición nos obradoiros. De non se cubrir o mínimo de prazas necesario para a realización dalgunha actividade ou ludoteca, a FANPA poderá eliminala e devolverá o seu importe íntegro na oficina da FANPA.
A ficha de inscrición para descarga a tedes nesta mesma páxina ao final. A inscrición presupón a aceptación das normas do servizo.
Fonte : https://www.nontedurmas.org/actividades/fanpa-nadal-2022/
