Dende fai varios anos a Secretaría Xeral da Igualdade
puxo en marcha axudas para a conciliación da vida familiar e laboral para a
organización de actividades extraescolares polas Anpas nos centros públicos de
ensino. Na anterior convocatoria do ano 2015, de 400 Anpas provinciais, a
Anpa do Alvarez Limeses, foi unha das 15 que se concedeu a subvención integra e
cun dos maiores grados de puntuación, chegando a superar incluso unha auditoría
a nivel europeo. Isto xa indicaba a dificultade que supuña para as Anpas
acollerse a estas axudas e o grado de "profesionalidade" que debían
ter na súa xestión altruísta. Mais toda ese esforzo non é suficiente para
poder presentarnos á convocatoria de axudas para o presente curso escolar
2015/2016 polos motivos que pasamos a indicar no documento que poñemos en coñecemento da Secretaría Xeral da Igualdade , dos socios e de toda persoa que teña a ben consultalo, no seguinte documento con rexistro de entrada 9824/RX 219154 do 26 de Xaneiro de 2015....
En definitiva,
a Xunta directiva da Asociación de nais e pais de alumnos Joaquín Costa do Colexio
de Educación Infantil e Primaria Álvarez Limeses de Pontevedra, despois de participar
e conseguir axuda en todas as anteriores convocatorias para a conciliación da
vida familiar e laboral desa Secretaría Xeral da Igualdade, renuncia a
presentar programa ningún na presente convocatoria,polas trabas operativas que
se deducen delas, e que en ultimo termo serán as nenas/os os que se verán
prexudicados por unha potencial diminución na calidade e cantidade das actividades extraescolares, e os pais e
nais posto que verán como se dificulta enormemente a conciliación da vida
laboral e familiar, fin ultimo de esta convocatoria de axudas e que segundo estas bases se fai inviable para
as Anpas en xeral e a nosa en particular.
A nosa
Anpa seguirá a traballar para conseguir a mellor educación posíbel para as
nosas fillas e os nosos fillos aplicando principios de igualdade e cooperación
nas súas actividades.
Atentamente,
Manuel Álvarez
Presidente
