Rexistro Actividades Anpa Curso 2025-2026
INSCRICIÓN COTA SOCIO 2025-2026
venres, 4 de marzo de 2022
venres, 18 de febreiro de 2022
FESTA DE ENTROIDO 2022
FESTA DE
ENTROIDO 2022
Por fin regresa a Festa de Entroido da ANPA do CEIP Álvarez
Limeses e agardamos que non faltes! Será o 24
de febreiro de 16.30 a 19.30 no patio do colexio e temos preparada unha
tarde chea de música e actividades para a que, amais do disfraz, o único que
precisamos é que veñas chea/o de ganas de divertirte.
Para poder participar no Festa de Entroido precisamos que cubras o
cadro que atoparás liñas abaixo e o
entregues, como data límite, o 22 de febreiro no buzón da ANPA ou no correo
electrónico anpa.alvarez.limeses@gmail.com.
A entrada á festa é gratuíta para as nenas e nenos socias/os. Para aquelas/es non socias/os o custe
será 1 € por cativa/o. As nenas/os poderán vir acompañadas dunha persoa
adulta (unha por unidade familiar).
Non haberá servizo de vixilancia e coidado das/dos menores
asistentes, que deberán estar en todo momento acompañados dunha persoa adulta
(maior de idade) que será responsable da súa atención e vixilancia
|
Nome e apelidos da/o nena/o |
|
|
Curso |
|
|
Socia/o |
|
|
Non socia/o |
|
|
Nome e apelidos da nai/pai/titora/titor |
|
Para
aclaracións podedes contactar no 688908080 ou en anpa.alvarez.limeses@gmail.com
mércores, 9 de febreiro de 2022
mércores, 12 de xaneiro de 2022
xoves, 16 de decembro de 2021
martes, 7 de decembro de 2021
venres, 19 de novembro de 2021
COMUNICADO ANPA
A ANPA DO CEIP ÁLVAREZ LIMESES RECLAMA ESPALLAR O CRIBADO REALIZADO EN INFANTIL A PRIMARIA E O PECHE PREVENTIVO DO CENTRO EDUCATIVO
“Non entendemos como tras unha semana de incremento no número de nenas e nenos contaxiados e mesmo de profesoras e profesores, non se teñen tomado medidas máis drásticas”
Pontevedra, 19 de novembro de 2021.- A ANPA Joaquín Costa do CEIP Álvarez Limeses reclama ás autoridades competentes espallar o cribado realizado en infantil a primaria e o peche preventivo do centro educativo ante o crecemento exponencial da covid no colexio. “Non entendemos como tras unha semana de incremento no número de nenas e nenos contaxiados e mesmo de profesoras e profesores, non se teñen tomado medidas máis drásticas”, asegurou o colectivo de nais e pais.
Segundo informa a ANPA do Álvarez Limeses “somos conscientes de que o centro educativo cumpre cos protocolos da Xunta ao milímetro e xa fixo estas reclamacións” pero insiste en que “o cribado en infantil é insuficiente, hai moitas nenas e nenos desta etapa educativa en cuarentena con irmás e irmáns maiores, en primaria, que seguen asistindo ao centro educativo. Sabemos que xurdiron novos positivos deste cribado o que reafirma a nosa postura. Sen realizar probas PCR ao alumnado de primaria descoñecemos por completo o alcance real do gromo”. Precisamente polo descoñecemento do alcance real do gromo no CEIP Álvarez Limeses, a ANPA pide que se tomen medidas preventivas máis amplas e propón o peche temporal do centro educativo. “Deste xeito –asegurou a asociación- estaremos evitando que se sega a espallar o virus, fundamentalmente, entre persoas asintomáticas”.
Finalmente, a ANPA desexa ao alumnado, profesorado e familias da comunidade educativa do CEIP Álvarez Limeses que están a padecer a covid-19 unha pronta recuperación.
sábado, 30 de outubro de 2021
mércores, 29 de setembro de 2021
COMEDOR E PLAN MADRUGA 2024-2025
Información sobre o comedor
Menús comedor e Plan Madruga
Actividades comedor e Plan Madruga
EN PROCESO.
Ficha de Inscrición
Información do servizo para o curso 2024-2025
O Comedor Escolar é un servizo educativo, ademais de contribuír á organización da vida familiar, que ofrece o Colexio, e como tal debe marcarse uns obxectivos:
- Promover e desenvolver hábitos alimentarios saudables
- Garantir unha dieta que favoreza a saúde
- Promover hábitos hixiénicos saudables
- Desenvolver o compañeirismo, o respecto e a tolerancia
- Conseguir un ámbito físico e social saudable
- Para conseguir estes obxectivos desenvolveranse unha serie de actividades que terán lugar no propio espazo e tempo de comedor escolar dos distintos ciclos de Educación Infantil e Primaria, atendendo á idade dos alumnos e alumnas.
O NOSO COMEDOR ESCOLAR
O servizo de comedor escolar préstao a empresa que designa para tal efecto a Federación Provincial de Anpas de Pontevedra sendo na actualidade a empresa ARUME é unha empresa galega,a responsable, tanto da subministración da comida propiamente dita coma do persoal que se encarga da atención aos comensais e do persoal que se ocupa da limpeza do office e do comedor. Sabemos cuán importante é a alimentación durante as etapas temperás na vida das persoas: a infancia e adolescencia. En ARUME queremos ir máis aló do servizo convencional e implicámonos punta a punta no proceso, desde a procura do mellor produto local, o transporte e servizo do prato na mesa do comedor escolar, ata o acompañamento e dinamización durante o momento do consumo grazas aos nosos experimentados monitores. Utilizamos as técnicas de calidade e control máis esixentes para garantir a máxima seguridade na elaboración e entrega de todos os nosos menús.
Estes menús son previamente pensados e deseñados por expertos nutricionistas e dietistas coñecedores das verdadeiras necesidades alimenticias que esixen esas temperás idades. Pero en ARUME non só buscamos o equilibrio dos menús, senón que poñemos empeño en que a nosa cociña rezume ?arume? caseiro e os neno/as dos comedores escolares sentan como na casa. Conseguir que a hora da comida dos escolares sexa feliz e proveitosa, forma parte da nosa responsabilidade e supón un pracer para nós
PLAN MADRUGA
Moitas familias necesitan traer os seus fillos e fillas antes do horario lectivo ao colexio. Co fin de dar este servizo, organizouse o Plan Madruga de sete e media a nove da mañá. Este servizo utilízano aquelas familias que por motivos laborais ou por circunstancias persoais necesitan un horario máis amplo.
Preténdese con iso:
- Dar servizo ás familias, facilitando a conciliación da vida familiar, laboral e escolar.
- Ofrecer un lugar coñecido e cálido, con persoal cualificado que atenderá aos nenos e nenas, proporcionándolles un ambiente relaxado.
- Evitar o cambio de lugar ou de persoas nestas horas da mañá.
- Ofrecer a posibilidade almorzar entre as 8:00 e 8:30 ou ben de completar o almorzo de casa con algún alimento que poidan tomar neste tempo.
O servizo do Plan Madruga préstao a empresa que designa para tal efecto a Federacion Provincial de Anpas de Pontevedra sendo na actualidade a empresa ARUME, a responsable da prestacion deste servizo.
CONDICIÓNS DE PRESTACIÓN DE SERVIZO COMEDOR E PLAN MADRUGA CURSO 2017-2018
No nome de ARUME é un pracer saudarlles e informarlles de que o próximo curso seremos a empresa responsable do servizo de comedor e de madrugadores no seu centro.
Se desexa efectuar a alta para o curso 2021-2022, deberá remitirse o enlace indicado máis arriba. Pregámoslle que a lea atentamente e que firme para expresa-la súa conformidade co Regulamento do Comedor exposto nos centros e coas normas do servizo:
1. Modalidades de contratación dos servizos:
a.) Fixo: Se necesita o servizo uns días fixos da semana. O recibo pasarase entre o 15 e 20 do mes de servizo e as mensualidades serán sempre do mesmo importe, según a táboa de prezos especificada de seguido, e calculadas a partir do nº de días lectivos do curso, dividido entre os 10 meses de servizo.
b.)Calendario de días ou Turno laboral: Se necesita o servizo uns días sen periodicidade semanal (días de calendario) e o sabe con antelación. Deberá informarnos antes do día 25 de cada mes dos días nos que necesitará o servizo durante o mes seguinte. Cobraranse entre o 15 e 20 do mes de servizo polos días contratados.
c.) Esporádico: Se necesitan o servizo días soltos sen posibilidade de planificar. Debe avisarnos o día anterior como moi tarde. Cobraranse os días que correspondan ao mes seguinte do servizo ao prezo esporádico.
2. O teléfono que ARUME ten a disposición dos usuarios é o 607 634 413. O horario de atención é de luns a xoves de 10.00h a 14.00h y de 15.00h a 18.00h, os venres só en horario de mañá. No verán (do 01/07 ó 31/08) só en horario de mañá. En ningún caso se atenderán SMS. Por outra banda, tamén pode contactarnos no noso novo correo electrónico info@arumeservicios.gal. Esta información é importante para nós: lembre que somos os encargados da custodia do seu/súa fillo/a.
3. A petición de alta, baixa ou modificación do servizo (incluíndo o Calendario de días) deberá comunicárnola antes do 25 de cada mes, facéndose efectiva para o mes seguinte. Estas comunicacións NUNCA deberán realizarse a través dos monitores/as. Debe contactarnos no teléfono, fax ou email antes mencionados.
4. Se falta algún dato, a solicitude non será válida. Unha vez cuberta e entregada implicará, salvo notificación en contra e dentro dos prazos anteriormente indicados, a contratación e pago do servizo solicitado. Causará baixa no servizo cando se produza o impago do recibo. Non poderán facer uso dos servizos usuarios con recibos pendentes de pago.
5. ARUME non tén ningunha competencia na asignación e/ou obtención de becas.Non se farán descontos nos recibos mensuais por días de ausencia, salvo que sexan por enfermidade superior a 4 días consecutivos, teñan avisado das ausencias e se aporte o certificado médico.
6. ARUME dispón da páxina web www.arumeservicios.gal onde os usuarios poderán rexistrarse e acceder sempre que o desexen para consultar os menús, os seus datos no noso sistema (información persoal, días de asistencia previstos, facturación,…) e solicitar cambios. Rexistrarse é sinxelo seguindo os pasos en “Darse de alta (Guía)” na páxina web.
HORARIOS DE RECOLLIDA DO COMEDOR:
- 1ª quenda: 15:30 - 15:45
- 2ª quenda: 16:10 - 16:30
- ARUME: 607 634 413
- FANPA Pontevedra: 986 843 412
sábado, 25 de setembro de 2021
Nota Informativa : extensión do prazo para as extraescolares Octubre .
Familias , este mes amplíase o prazo para as actividades extraescolares do mes de Outubro ata o 30 de Setembro.
Subscribirse a:
Publicacións (Atom)