CICLO DE CINE
Como xa sabedes de aquí a xuño deste ano
cada mes imos proxectar unha película de cine infantil. As proxeccións serán
por parte do Cine Club Pontevedra no auditorio do Sexto edificio do Museo de
Pontevedra (rúa Cobián Roffignac, s/n).
Como o aforo do lugar é limitado só
podemos dispoñer de 180 localidades, polo que en principio só terán acceso libre os socios
cativos con entrada. A entrega das entradas farase o vindeiro xoves, 24 de xaneiro de 2013 de 9:00 a 9:30 hs. no vestíbulo de dirección. A primeira película programada é “Benvidos a
Belleville” o sábado 26 de xaneiro ás 17:00 hs. (tedes toda a información da
mesma e do resto do ciclo no blog da Anpa e na web do Museo de Pontevedra). Cabe a posibilidade de conseguir
localidades para o público xeral nos mostradores do Sexto edificio do Museo de
Pontevedra, aínda que se trata dunha cantidade máis reducida que reparte o propio
Museo.
2º cuatrimestre da Piscina de
Campolongo
A empresa
Serviocio, concesionaria da Piscina municipal de Campolongo, abre o prazo para
a matrícula na actividade extraescolar de natación para o 2º cuatrimestre do
curso 2012-2013 (1 de febreiro a 31de maio de 2013).
Os que queiran deberán acudir o vindeiro LUNS 28
de XANEIRO de 2013 entre as 9:00 e as 10:00 hs. ao vestíbulo de dirección para
abonar en metálico o importe correspondente ao cuatrimestre, trinta e tres
euros con sesenta céntimos (33,60 €).
Prégase encarecidamente que traigan o
diñeiro xusto.
Recorten, cubran e traigan o día 28 a parte inferior da circular en formato formulario que teñen ao final.
Moitas grazas!
NOVAS DA ANPA
Nestes
días estase a proceder á entrega dos uniformes ás rapazas e aos rapaces que están nas actividades deportivas
de baloncesto, balonmán e fútbol. Isto só foi posible pola colaboración de
dúas firmas comerciais.
BAILE ENTROIDO 2013 : Preparade
os vosos disfraces para os tradicionais bailes de
entroido que
se celebrarán na Discoteca Daniel os días 6, mércores, e 7, xoves, de febreiro
do presente ano e dos que en vindeiros dias teredes mais informacion sobre horarios e prezos.
Recibide un cordial saúdo
0 comentarios:
Publicar un comentario