Excursión de 2º e 3º Primaria A RUTA DA PEDRA E DA AUGA Ó SABADO 24 DE MAIO

"SABADO  24  DE MAIO: “RUTA DA PEDRA E DA AUGA”

A ruta discorre polos concellos de Meis e Ribadumia. Trátase dun vello camiño que se percorría, tradicionalmente, o luns de Pascua cara ó mosteiro da Armenteira . A primeira parte é a ruta dos muíños de Barrantes, de quilometro e medio, con seis muíños restaurados. Seguindo o curso do río Armenteira chegamos ao concello de Meis, onde atopamos os muíños de Serén, un espazo sorprendente, perfectamente rehabilitado e cunha área recreativa nas ladeiras lo monte da Cabeza de Boi.

Os muíños lévannos ata a “ Aldea Labrega”,  unha representación en granito da vida rural galega de principios do século XX cos seus elementos tradicionais: a igrexa, o horreo, o forno, o cruceiro e os animais domésticos. Sen apartarnos do río, xunto ao que poderemos observar a riqueza da súa flora, cun gran número de especies de ribeira, chegamos á parroquia de Armenteira, na que poderemos visitar o Mosteiro de Armenteira, un sinxelo e austero edificio cunha capela de estilo románico levantada a mediados do século XII coma mosteiro benedictino, aínda que a partir do século XVI á Orde de San Juan.

AVISO: OS NENOS DEBERÁN LEVAR A SÚA MERENDA

NOTA: Saída en autobús  as  9:00 dende a parada Bus da Rúa de Cobián Areal.

PREZO SOCIO/A: 15,00 €

PREZO NON SOCIO/A: 40,00 €

DATA DE COBRO E ENTREGA DA FICHA DE INSCRIPCIÓN: Xoves, día 15 de maio de 2014 de 9:00 a 9:30 hs. no vestíbulo de dirección do colexio. Agradecese que traian o diñeiro xusto.

         Impreso Inscripción Excursión 2º e 3º de Primaria (RUTA DA PEDRA E DA AUGA)