Exposición Outro lado. Outra vida

Exposición Outro lado. Outra vida Xoves 20 de setembro ás 20.00 horas Lugar: Sala de exposicións do Pazo da Cultura Prezo: De balde Máis información en www.pazodacultura.org e Facebook

O Alcalde de Pontevedra, Miguel Anxo Fernández Lores, e a concelleira de Cultura, Anxos Riveiro Portela, comprácense en convidar a vostede á inauguración da exposición. Outro lado. Outra vida coa fotografía de Miguel Vidal, na que se amosa o coñecemento de diferentes persoas que soen atoparse ao outro lado das redes sociais. Terá lugar o vindeiro xoves, día 20 de setembro de 2012, ás 20 horas, na sala de exposicións do Pazo da Cultura.

Departamento de Comunicación Pazo da Cultura de Pontevedra Rúa Alexandre Bóveda, s/n 36005 Pontevedra Teléfono: 986 83 30 61 Fax: 986 87 40 70 comunicacion@pazodacultura.org www.pazodacultura.org                                                                      Recibide un cordial saúdo

Circular 1-09/2013: Convocatoria Asamblea Xeral Ordinaria

ANPA Joaquín Costa do CEIP Álvarez Limeses Rúa Joaquín Costa, 13 - 36001 Pontevedra http://anpaalvarezlimeses.blogspot.com.es/ anpa.alvarez.limeses@gmail.com  688 90 80 80

Circular 1 de 13 de setembro de 2012

Convocatoria de Asemblea xeral ordinaria

A Xunta directiva da Anpa Joaquín Costa do CEIP Álvarez LImeses convoca Asemblea xeral ordinaria para o vindeiro luns día 17 de setembro de 2012 a celebrar no ximnasio do colexio ás 19:30 hs. en primeira convocatoria (para o que é preciso a metade máis un do censo) e ás 20:00 hs. en segunda convocatoria coa seguinte

Orde do día:

1. Lectura e aprobación, se procede, da acta da asemblea anterior.
2. Informe da Xunta directiva sobre o curso 2011-2012.
3. Balance de ingresos e gastos e orzamento para o exercicio 2012-2013.
4. Renovación de membros da Xunta directiva.
5. Proposta de actividades extaescolares.
6. Horario de apertura do colexio.
7. Rogos e preguntas.

É moi importante participar na vida da comunidade escolar mediante a Anpa polo que consideramos básico acudir e aportar cada quen segundo as súas posibilidades cao asistencia á Asemblea e sendo parte da Xunta directiva.

Haberá servizo de gardería entre as 19:30 hs. e a fin da asemblea (contamos rematar ás cedo).

É posíbel delegar a asistencia noutra persoa, así deberán prencher e entregar na entrada o formulario:

 Convocatoria Asamblea Xeral Ordinaria Setembro 2012

                                                              

                                                                Recibide un cordial saúdo

Información sobre a Anpa..¿o qué, por e para que?

ANPA Joaquín Costa do CEIP Álvarez Limeses Rúa Joaquín Costa, 13 - 36001 Pontevedra http://anpaalvarezlimeses.blogspot.com.es/ anpa.alvarez.limeses@gmail.com  688 90 80 80

A Asociación de nais e pais Joaquín Costa do Colexio de educación infantil e primaria é unha asociación sen ánimo de lucro que dende 1968 desenvolve diferentes accións para a comunidade escolar como a organización das actividades extraescolares, a contratación dun seguro de accidentes económico, individual e voluntario para os cativos, excursións fin de curso para todas as aulas, ten un representante no Consello escolar, colabora co Colexio en todo aquilo para o que se solicite axuda como o xornal escolar, xestións diversas, mellora das instalacións e equipamento, etc., vista de Papá Noel, festivais de entroido e fin de curso, entre outras.

A Anpa está constituída conforme ás leis vixentes e figura rexistrada nos rexistros correspondentes, conta con Estatutos propios e é parte da Federación de Anpas de colexios públicos de Pontevedra (Fanpa) e polo tanto de Confapa Galicia e Ceapa a nivel estatal.

Os órganos da Anpa son a Asemblea xeral, que se reúne como mínimo unha vez ao ano, e a Xunta directiva elixida pola Asemblea. Para facer parte da mesma é mester asociarse cun pago único anual de 21,00 € pola/o primeira/o filla/o, e 11,00 € pola/o segunda/o, sendo a cota a partires da/do terceira/o de 0,00 €.

Cada ano renovase parte da Xunta directiva. É preciso seren conscientes do importante papel que ten a Anpa e colaborar alomenos durante un tempo como membro da Xunta, un traballo sinxelo e moi reconfortante. É por iso que solicitamos sempre, e agradecemos enormemente, a participación e apoio en todas as iniciativas. A presenza nos cargos da directiva na medida das posibilidades de cada un, estamos convencidos, fai que cada día teñamos un mellor colexio para as nosas fillas e os nosos fillos.

Mantemos un blog aberto a todas/os, así como o correo electrónico, e o teléfono. A forma de achegar información asemade por medio de envíos de correo masivos e mediante papel (revisade todos os días as carteiras dos cativos). Neste curso queremos enviar mensaxes aos teléfonos móbiles e dar informacións pola megafonía do colexio na hora da saída.

Faite socia/o achega as túas ideas, queixas, dúbidas á Xunta directiva. Intégrate na mesma unha temporada se podes e queres que a túa achega sexa máis profunda.

                                                               

                                                         Recibide un cordial saúdo

INFORMACIÓN ASOCIARSE A ANPA CURSO 2012-2013

ANPA Joaquín Costa do CEIP Álvarez Limeses Rúa Joaquín Costa, 13 - 36001 Pontevedra http://anpaalvarezlimeses.blogspot.com.es/ anpa.alvarez.limeses@gmail.com  688 90 80 80

Estimadas/os nais, pais, titores:

Na Asemblea xeral ordinaria celebrada o 22 de setembro de 2010 establecéronse as seguintes cotas anuais en pago único para ser socia/o da Anpa Joaquín Costa do CEIP Álvarez Limeses:

Por unha/un nena/o matriculada/o no colexio	21,00 €
Pola/o segunda/o nena/neno matriculada/o	11,00 €
Polas terceiras/os ou sucesivas/os nenas/nenos matriculadas/os	0,00 €

Para asociarse hai que seguir os seguintes pasos:

1. Cubrir a folla de inscrición de Socio/a da Anpa. Depositala na caixa de correo da Anpa situada na fachada principal do colexio ou enviala por correo electrónico ao enderezo da Anpa (ver na cabeceira desta páxina).
2. Pago: Pasarase ao cobro nos primeiros días do mes de outubro mediante domiciliación bancaria. Se non domicilia a cota na súa entidade bancaria debe indicalo e facer o pago en efectivo o luns día 8 de outubro de 9,00 a 9,30 da mañá no vestíbulo de dirección do colexio.

O prazo de inscrición ordinaria remata o luns 8 de outubro de 2012.

As socias e os socios terán dereito a matricularse nas actividades extraescolares que se realizan no colexio (ver horarios e informacion aqui), realizadas pola empresa Anias.

Tamén se poderán matricular con prezos rebaixados en actividades extraescolares fóra do colexio, piscina do Centro Budo e Piscina municipal de Campolongo (Serviocio) 

SEGURO DE ACCIDENTES

SEGURO DE ACCIDENTES: Ser asociado da dereito a contratar un seguro anual de accidentes de 6,00 € por nena/o 

A Federación de Anpas de Pontevedra (Fanpa) negociou un seguro de accidentes individual coa compañía Allianz ao que pode acceder cada nena/o socio da Anpa cunhas condicións moi vantaxosas.

O seguro custa 6,00 € (pago anual único e por nena/o), e é válido até o 1 de outubro de 2013.

Coberturas do seguro de accidentes:

Cubre os accidentes que ocorran durante o periodo lectivo, actividades extraescolares e excursións. Todos os accidentes que teñan que ver coas actividades propias do centro escolar, así como as actividades organizadas pola Anpa, excursións, obradoiros e actividades extraescolares. Quedando excluidos únicamente os accidentes acaecidos na vida privada do alumno.

Detalle das coberturas (poden solicitar información detallada a Xunta directiva):

Asistencia sanitaria	Ilimitada		Gastos de repatriación falecemento	3.000,00 €
Falecemento por accidente	6.000,00 €		Gastos odontolóxicos	1.200,00 €
Incapacidade pte. Parcial	6.000,00 €		Rotura de lentes	1.200,00 €
Falecemento por infarto	6.000,00 €		Asistencia en viaxe	Incluída
Gastos de sepelio	1.500,00 €

Para contratalo preencha as casillas correspondentes na ficha de inscrición á Anpa. O cobro será a primeiros de outubro xunto coa cota da Anpa mediante domiciliación bancaria.

Todas as actividades extraescolares programadas no centro escolar comezarán o luns día 1 de outubro de 2012 e rematarán o venres día 14 de xuño de 2013. Os prezos son por mes, agás para as piscinas, en Budo son trimestrais, e en Campolongo cuatrimestrais.

 FICHA INSCRIPCIÓN SOCIO/A ANPA CURSO 2012-2013

                                                             Recibide un cordial saúdo

INFORMACIÓN E HORARIOS ACTIVIDADES EXTRAESCOLARES CURSO 2012-2013

Na Xunta Xeral Ordinaria celebrada o 19 de setembro de 2011 decidiuse que a empresa Anias siga levando a organización das actividades extraexcolares que teñen lugar no centro.

A xestión da empresa Anias inclúe o cobro a través de domiciliación bancaria excepto o mes de Outubro, tal como se indica na folla informativa de Anias. Para comezar as actividades deberase entregar a ANPA a ficha de inscrición debidamente cumprimentada e unha copia de ter feito o ingreso bancario do mes de outubro (ver folla informativa de Anias). A entrega farase no buzón da ANPA ata o venres 26  de setembro de 2012.

• DATA DE REALIZACIÓN do 1 de outubro de 2012 ao 14 de xuño de 2013.
• HORARIO DAS ACTIVIDADES De luns a venres de 16:30 a 18:30 horas.
• INSCRICIÓNS Mediante folla de inscrición que se deixará na caixa do correo da ANPA, vía e mail extraescolares@anias.es ou na nosa oficina (Rúa Echegaray nº39, Pontevedra),ata o día 26 de setembro e durante o curso no horario das actividades ao monitor/a,por e mail ou na nosa oficina.
• COTA Ver Programa de actividades, no mes de xuño a cota será a metade. A cota inclúe o prezo da actividade sen material.
• COBROS As actividades extraescolares cobraranse por medio de domiciliación bancaria, para comezar nas actividades deberán entregar a ficha de inscrición debidamente cumprimentada.
• BAIXA OU CAMBIO DE ACTIVIDADE Por escrito (solicitar e entregar folla ao monitor/a) e facendo constar o motivo,antes do 20 do mes anterior no que se solicita a baixa ou cambio.
• Nº DE NENOS/AS POR ACTIVIDADE Grupo máximo: 15/20 nenos/as (en función da actividade) Grupo mínimo: 8 nenos/as.
• INFORMACIÓN Oficina:Rúa Echegaray nº 39 baixo, Pontevedra.Horario de : 9:30 a 14:00 - Teléfono:986 864 598 Coordinadora: 615 780 528 de 16:30 a 18:30 (Carmela)

Para mais informacion consultar as Circular de Actividades que seguen :

  Información e Horarios Actividades Extraescolares Anias 2012-2013 

 Ficha Inscripcion Actividades Extraescolares Curso 2012-2013 



ACTIVIDADES EXTRAESCOLARES FÓRA DO COLEXIO:



Así mesmo, continúase coas actividades extraescolores que viñan tendo lugar na piscina de Campolongo e no Ximnasio Budo.Tamén se poderán matricular con prezos especiais en Actividades Extraescolares fora do colexio: como centro Estouche Ben, ximnasio Odisea,… toda esta informacion pode verse en:
 Actividades fóra do Colexio 2012-2013

 Piscina Centro BUDO 2012-2013

Para incribirse na PISCINA MUNICIPAL DE CAMPOLONGO xestionada pola empresa Serviocio é mester efectuar a inscrición e pago o mércores 19 de setembro entre as 9:00 e as 10:00 no vestíbulo de Dirección do colexio. A cota cuatrimestral é de 33,60 €. Por favor traian o diñeiro xusto para non ter problemas co cambio. Seguirase rigorosa orde de inscrición pois se trata de prazas limitadas.

Nese momento debe escoller un horario entre os seguintes:

Día da semana	Hora de inicio		Día da semana	Hora de inicio
Martes	16:30		Xoves	16:30
Martes	17:15		Venres	16:30

As normas desta instalación son especialmente estrictas, sobre todo no que respecta a puntualidade na entrada e recollida de rapazas e rapaces.

Información ANIAS

Oficina:Rúa Echegaray nº 39 baixo, Pontevedra.
Horario de :9:30 a14:00 - Teléfono:986 864 598 
Coordinadora: 615 780 528 de 16:30 a 18:30 (Carmela)

                                                           Recibide un cordial saúdo

CHARLA-COLOQUIO LOPD (Ley Orgánica de Protección de Datos)

O pasado venres día 8 de setembro Pablo Gómez Taboada, vogal da Xunta directiva da Anpa encargado de seguros e protección de datos e Juan M. Pérez Nartallo, presidente, deron unha charla-coloquio organizada pola Fanpa no Centro social de O Gorgullón a que asistiron unhas 25 Anpas para dar a coñecer a experiencia da nosa Anpa respecto da protección de datos de carácter persoal. A Anpa Joaquín Costa do CEIP Álvarez Limeses é punteira entre as Anpas de Pontevedra neste crucial tema que atende ao dereito á intimidade.

                                                         

                                                             Recibide un cordial saúdo

De Volta ao Cole: BENVIDOS

Hoxe 12 de Setembro, comezamos  de novo o Cole. Tras as vacacións estivais, os nosos nen@s volven ás aulas e con eles, a frenética cotineidade  do día a día e das mil e unha tarefas e actividades coas que completar cada xornada.

O calendario de actividades extraescolares ofrecidas no cole, está a punto de saír, e intentaremos colgalo para a súa consulta ao longo do curso.

Un saúdo ao equipo  directivo  e persoal docente ao que desexamos un grato labor na dirección e xestión  e árdua tarefa de ensinar nun colexio público tan emblemático como é o CEIP ALVAREZ LIMESES.

Aproveitamos tamén para dar a benvida aos novos alumnos que se incorporan este ano ao CEIP  ÁLVAREZ  LIMESES e aos seus papas e mamas, animándoos a participar e colaborar nas diversas actividades que se organizan dende o Anpa, que son moitas e variadas ao longo do curso e como non, a contarnos os seus pareceres e opinións a través deste  Blog, ou correo electrónico da anpa ou o buzon da Anpa do Colexio

Un saúdo e Feliz Curso 2012-2013 para todos/as.

Pd.-Pouco a pouco con tempo iremos actualizando contidos....

                                                                   Recibide un cordial saúdo

Volta ao Cole: Mercores 12 de Setembro

Xa estamos de volta!...recordarvos que  segundo a Orde do 13 de xuño de 2012 pola que se aproba o calendario escolar para o curso 2012/2013, nos centros docentes sostidos con fondos públicos a volta ao cole esta fixada para o 

                                  MERCORES 12 DE SETEMBRO DE 2012.

Irémosvos informando a través do blog e correos masivos de todas as actividades e novidades que se vaian dando.

Orde do 13 de xuño de 2012 pola que se aproba o calendario escolar para o curso 2012/2013, nos centros docentes sostidos con fondos públicos. Calendario escolar 2012/2013 (DOG)

Setembro

3, 4, 5, 6  Probas correspondentes á convocatoria extraordinaria do curso 2011/2012

12  Comezo das clases no 2º ciclo de educación infantil, educación especial e educación primaria

17  Comezo das clases na ESO, Bacharelato, FP e ensinanzas de réxime especial

Outubro

12 Día non lectivo. Día da Hispanidade

Novembro

1 Día non lectivo. Todos os Santos

2 Día non lectivo. Día do Ensino

Decembro

6 Día non lectivo. Día da Constitución

22, 23, 24, 25, 26, 27, 28, 29, 30, 31 Vacacións de Nadal

Xaneiro

1, 2, 3, 4, 5, 6, 7  Vacacións de Nadal

Febreiro

11, 12, 13   Vacacións de Entroido

Marzo

25, 26, 27, 28, 29, 30, 31 Vacacións de Semana Santa

Abril

1   Vacacións de Semana Santa

Maio

1 Día non lectivo. Festa do traballo

17 Día non lectivo. Día das Letras Galegas

Xuño

21 Remate das clases no 2º ciclo de educación infantil, educación especial, educación primaria, educación secundaria obrigatoria, bacharelato e formación profesional.

                                                            

                                                               Recibide un cordial saúdo

Importante: Informacion subida do IVE(Imposto sobre valor engadido)

Despois das medidas tomadas polo Goberno de España sobre aumento das porcentaxes de IVE (Imposto sobre valor engadido) dende a Anpa queremos lembrarvos que esta medida entrará en vigor o vindeiro 1 de setembro. Todo o material escolar que até o de agora tiña un IVE reducido ou superducido, ceras, cartulinas, cadernos escolares, etc. pasa a ter o IVE xeral, isto é, de tributar polo 4% ou 8% pasará a tributar polo 21%; polo que cremos necesario advertirvso de que debedes facer as compras de istos materiais antes do remate do mes. O mellor será que consultedes na papelería ou quisco do barrio donde fagades istas compras habitualmente, alí vos poderán dicir a forma de facer (quizáis adiantando algunhas compras a este agosto) para non ter que pagar demáis. Polo que respecta aos libros o tipo de IVE non mudou.


                                                                 Recibide un cordial saúdo