XORNADA DE CONVIVENCIA ESCOLAR: ILLAS CIES VENRES 24 DE XUÑO 2016

Dende a ANPA ÁLVAREZ LIMESES ofrecémosche celebrar o San Xoán  dun xeito distinto e convidámosche  a visitar este auténtico paraíso dunha maneira diferente, amena e divertida, achegándoche ao seu valor natural, cultural e a súa historia, todo iso combinado con animación e diversión tanto nas illas como a bordo do catamarán que nos levará ata elas. O día elexido foi  venres  24 de Xuño de 2016 para vir a pasar un maxico San Xoán co embruxo da Anpa Álvarez Limeses.

•   10,00 hs. Embarque no Porto de Cangas(Detrás da Estación de Autobuses). Chegada a Illa de Cies, Desembarco na Praia de Rodas. Actividades de Animación e xogos na praia para nenos e maiores en conxunto. Posibilidade de elixir unha das dúas rutas guiadas. Tempo libre para comer , desfrutar da illa...

•       19,30 hs. Regreso de Cies.

INSCRIPCIÓN E PAGO: Para desfrutar dun dia inmellorábel nun marco incomparábel debedes apuntarvos os próximos dias 2 e 3 de xuño (xoves e venres) no “hall” de dirección do colexio de 9:00 a 9:30 hs.Cubrir, e entregar a ficha da inscrición cos datos de todos os asistentes

PREZOS: Profesorado e nais, pais, titoras/es, alumnos socios: 8,00 € por persoa. Non socios: 15,00 € por persoa. Nenos menores de 3 anos gratis.

NOTA: Debedes traer xantar para a praia, bebida, bañador, toalla, protector solar, etc.

PRAZAS LIMITADAS A 240  BILLETES!!!

IMPORTANTE: A PERDA DO/S BILLETE/S  IMPLICARÁ NON PODER EMBARCAR

 FICHA INSCRIPCIÓN EXCURSIÓN ILLAS CIES 2016

Fotos excursión 4º Infantil (3 anos) e 5º de Infantil (4 anos) :SÁBADO 21 DE MAIO GRANXA KIRIKO

Aqui tedes as fotos e un video da excursión dos alumnos/as de 4º Infantil (3 anos) e 5º de Infantil (4 anos) :SÁBADO 21 DE MAIO GRANXA KIRIKO(Fornelos de Montes - Pontevedra) do pasado sábado día 21 de Maio 2016. Grazas a todos por a vir de excursión coa Anpa, agardamos que fose do agrado de todos os asistentes, pasamos un dia entre xogos e risas, tiveron contacto directo cos animais, fixeron pequenos traballos de horta, xogos para relacionar alimentos de orixe animal e vexetal coa súa procedencia. Aprenderon a ver, tocar, cheirar, etc. o que nos rodea e espertar o interese e a curiosidade polos animais, as plantas e o seu coidado e fomentar hábitos de hixiene.

A continuación podedes ver unha presentación , se non logrades ver, pinchando no seguinte enlace teredes acceso ao álbum completo: Albúm fotos excursión Excursión de 4º Infantil e 5º de Infantil: GRANXA KIRIKO (21/05/2016)

   

AVISO CAMBIO DATA EXCURSIÓN 6º Infantil (5 anos) e 1º de Primaria: VIGO EN KART- MUSEO DO MAR

Por mor das previsións meteorolóxicas previstas para mañá sábado 28 de maio, SUSPÉNDESE a excursión de Excursión de 6º Infantil (5 anos) e 1º de Primaria á VIGO EN KART-MUSEO DO MAR. Pasando a programarse dita excursión, para o vindeiro sábado 4 de Xuño a saída será ás 9:30 diante da Xefatura Provincial de Trafico (Rúa Joaquin Costa Nº54)

     

Fotos da excursión dos alumnos/as de 4º e 5º de Primaria : ECOPARQUE ATALAIA

Aqui tedes as fotos e un video da excursión dos alumnos/as de 4º e 5º de Primaria ó ECOPARQUE ATALAIA do pasado sábado día 21 de Maio 2016. Grazas a todos por a vir de excursión coa Anpa, agardamos que fose do agrado de todos os asistentes, pasamos un dia entre xogos e risas, con disparos de sorrisos marcados polas balas da diversión 

A continuación podedes ver unha presentación , se non logrades ver, pinchando no seguinte enlace teredes acceso ao álbum completo: Albúm fotos excursión 4º e 5º Primaria ECOPARQUE ATALAIA (21/5/2016)

              

RÉCORD DE SOCIAS/OS: GRAZAS

A gran familia que conforma este puzzle chamado ANPA ÁLVAREZ LIMESES, bateu este ano un récord de socios, alcanzado a impresionante cifra de 381 asociados de 450 alumnos o que supón un 84,66% do alumnado. Por iso, dende a xunta directiva queremos agradecervos este apoio, así que enviamos 381 grazas, 381 sorrisos de satisfacción a todos e cada un dos nosos socios/as, porque vos sodes as verdadeiras pezas maestras deste puzzle.

Atentamente

Manuel Álvarez 
Presidente

Fotos da excursión dos alumnos/as de 2º e 3º de Primaria A Coruña

Aqui tedes as fotos da excursión dos alumnos/as de 2º e 3º de Primaria A CORUÑA do pasado sábado día 7 de Maio. Grazas a todos por a vir de excursión coa Anpa, agardamos que fose do agrado de todos os asistentes, mais cara de habelo pasado mal non teñen, non si?

A continuación podedes ver unha presentación , se non logrades ver, pinchando no seguinte enlace teredes acceso ao álbum completo: Albúm fotos excursión 2º e 3º Primaria A Coruña (7/5/2016)



       

Excursión de 6º Infantil (5 anos) e 1º de Primaria: Sábado 28 de Maio VIGO EN KART- MUSEO DO MAR

Comezaremos o noso percorrido no paseo de Bouzas, que é un dos barrios máis antigos da cidade, o seu carácter mariñeiro segue presente na súa fisionomía. O paseo ten un unha lonxitude de 3km ( ida e volta) que bordea a praia do Adro.O camiño conta cun carril específico para ciclistas e patinadores, está rodeado dunhas magníficas vistas da ría o museo do Mar e a ponte de Rande. O novo tramo chamado “ o paseo dos peixes”, está decorado con diversas esculturas de bronce que representan especies propias da ría: centolas, mexillóns, polbo, sardiña…

O museo do mar é un lugar onde comprender a enorme vinculación dos galegos co mar a través do seu coñecemento e aproveitamento. Grandes cubos iluminados que suxiren colectores de mercancías portuarias conforman a exposición permanente, na que podemos ver documentos de vídeo e audio, pantallas interactivas e obxectos orixinais relacionados coa historia da pesca.

AVISO: Poden levar un pequeno tentempié e una botella de agua.

NOTA: Saída en autobús  as  9:30 dende a parada Bus da Rúa de Cobián Areal.

 FICHA INSCRIPCIÓN EXCURSIÓN VIGO EN KART-MUSEO DO MAR (5 anos) e (1º Primaria) 2016

Excursión de 4º Infantil (3 anos) e 5º de Infantil (4 anos) :SÁBADO 21 DE MAIO GRANXA KIRIKO(Fornelos de Montes - Pontevedra)

O Centro O KIRIKO atópase en Soutosico, Fornelos de Montes (Pontevedra). Está situado nun espazo natural de grandes zonas de bosque autóctono (carballeiras, bosques de ribeira.), ao pé do encoro de Eiras, no río Oitavén, Os programas do Centro O KIRIKO, ofrecen un conxunto de experiencias enmarcadas no ámbito rural e en contacto coa natureza, e fomentando o sentido crítico do uso dos recursos naturais e a súa preservación Centro O KIRIKO conta cun edificio de 1.850 m2.Dispón de aulas-taller, aula de audiovisuais, biblioteca e enfermería. As instalacións complétanse con zonas de xogo con parque infantil de 800 m2.No exterior dispoñen de aulas adecuadas para o desenrolo de múltiples actividades en contacto coa natureza como son: horta, invernadoiro, zona de animais , cortellos e aviarios, compostoiro, aula de natureza e carreiro polo bosque de ribeira. Na granxa terán contacto directo cos animais, pequenos traballos de horta, xogos para relacionar alimentos de orixe animal e vexetal coa súa procedencia. Aprender a ver, tocar, cheirar, etc. o que nos rodea e espertar o interese e a curiosidade por animais, as plantas e o seu coidado e fomentar hábitos de hixiene.

AVISO: A merenda do descanso das 11:30 está incluída no prezo 

(Se fai calor non esquezades a gorra)

NOTA: Saída en autobús as 9.30 dende a parada Bus da Rúa de Cobián Areal.

NOTA: Os vogais da Anpa que asistirán a mencionada excursión e todos os monitores da Granxa Kiriko cumplen a Lei Orgánica 1/1996, de Protección Xurídica do Menor, modificada pola Lei 26/2015 e a Lei 45/2015 de voluntariado, achegaron os respectivos certificados negativos do Rexistro Central de Delincuentes Sexuais.

 FICHA INSCRIPCIÓN EXCURSIÓN GRANXA KIRIKO (3 anos) e (4 anos) 2016