Pazo da Cultura: Programación 26 -28 abril

Cabaret "Ultranoite do Aquí" de Grupo Chévere Venres 26 e sábado 27 ás 22:30 horas Lugar: Vestíbulo Pazo da Cultura Prezo: 12 eur. + gastos / 10 eur. + gastos Máis información en www.pazodacultura.org, http://www.facebook.com/PazoDaCulturaDePontevedra http://twitter.com/PazodaCultura

O Grupo Chévere tomará o vestíbulo do Pazo da Cultura a noite do venres 26 e sábado 27 para representar o seu cabaret "Ultranoite do Aquí". Un formato inventado e levado a cabo durante máis de 20 anos na xa pechada Sala Nasa, que mestura teatro, humor, música e baile ao tempo que fai escarnio da actualidade a tempo real. Un espectáculo nunca visto que non deixa títere con cabeza nun espazo xamais empregado: o vestíbulo do Pazo da Cultura, que se acondicionará para o mesmo, permitindo aos asistentes sentarse arredor de pequenas mesas e acompañar a velada coas súas consumicións.   Interveñen entreo outros Miguel de Lira, Patricia de Lorenzo, Manuel Cortés, Xron, Mónica García, Arantxa Vilar, César Goldi, Mónica Caamaño, cos músicos ao vivo Xacobe Martínez Antelo, Max Gómez, Manuel Cebrián e os videos de Quadra Producións.   Venda anticipada de entradas a web www.servinova.com a un prezo de 12 euros máis gastos de xestion (10 euros máis gastos para estudantes, parados e xubilados) dúas horas antes na billeteira do Pazo da Cultura

---

Encontro 8º Encontro de Palilleiras Cidade de Pontevedra Domingo 28 de abril de 10:00 a 14:00 hhoras e de 16:00 a 20:00 horas Lugar: Recinto Feiral

O Recinto Feiral de Pontevedra acolle o 8º Encontro de Palilleiras cidade de Pontevedra, que, oeganizado pola Asociación de Palilleiras "A Fieitiña", congregará a miles de artesanas non só do noso país, senón chegades de Urugai, Portugal, Alemaña, Italia, etc. Haberá postos de venda de encaixe e de utensilios para facelo, ademais de demostracións das diversas técnicas e talleres de iniciación e dúas exposicións de traxes rexionais e de época feitos con encaixe.