A
V I S O
No BOE do 19 de agosto publicouse a convocatoria de
bolsas e axudas ao estudo para o próximo curso 2013-14 para alumnado de estudos
non universitarios, PARA ALUMNADO CON NECESIDADE ESPECÍFICA DE APOIO EDUCATIVO.
Toda a información desta convocatoria pódese atopar na
páxina do Ministerio de Educación : www.educacion.es
O prazo de presentación será até o día 30 de
setembro. Non se admitirá ningunha
solicitude posterior a esa data agás nos casos especificados no artigo 46.2
INSTRUCCIÓNS PARA AS SOLICITUDES DE AXUDAS PARA ALUMNADO
CON NECESIDADE ESPECÍFICA DE APOIO EDUCATIVO (BOE 19-08-13, www.educacion.es)
TODAS
as solicitudes para as axudas de reeducación pedagóxica ou de linguaxe deberán
ir acompañadas de:
- Fotocopia do certificado de
minusvalía do alumno, no caso de que a teña recoñecida.
- Certificado do departamento de orientación do centro educativo
que indique que o alumno presenta necesidade de apoio educativo, no caso
de non ter recoñecida a
minusvalía. Este certificado debe ser breve e conciso, pois é o que
substitúe ao certificado oficial de minusvalía.
- Fotocopias dos DNI dos membros da
unidade familiar que teñan feitos os 14 anos.
- Documento bancario dos datos da
conta onde desexa recibir a axuda e na que o alumno debe estar incluído.
- Fotocopia do carné de familia
numerosa, de ser o caso.
- Fotocopia do certificado de
minusvalía dos irmáns do solicitante se os houbese.
- IMPRESO DA SOLICITUDE DEBIDAMENTE
CUBERTO, tendo especial coidado nos datos que deben cubrir no centro educativo para o cal lles solicitamos
que presten moita atención
-
aos apartados das páxinas 5 e 6 do impreso manual e
as 6 e 7 do impreso da páxina web, en tódolos casos deberá encherse do seguinte
xeito:
·
Apartado A – poñer os datos e o cuño do
centro.
·
Apartado B – encher tódolos datos tendo
en conta que as axudas concederanse en función das cruces que se marquen.
·
Apartado C – o alumno aportará o
impreso con este apartado cuberto.
·
Apartado D – deberá cubrilo a
inspección de zona.
-
aos apartados D e F da páxina 1 no impreso manual ou
no caso de facer a solicitude por internet son os datos da páxina 8 (curso no que
está escolarizado e axudas que se solicitan)
As solicitudes que non inclúan as axudas de reeducación
nin de linguaxe, por exemplo as que soliciten as de comedor ou de transporte,
deberán aportar a mesma documentación.
En tódolos casos
as axudas de comedor publicadas no DOG do 13 de agosto son incompatibles coas
desta convocatoria, mais no suposto que as axudas da Xunta non cubran o total
do que paga o alumno deberán facer constar a diferenza.
As solicitudes de axudas para o programa específico de
altas capacidades non precisarán a conformidade do inspector do apartado 7.
Lembrámoslles que para o trámite nesta sección de Bolsas
de Estudo NON SE PRECISAN INFORMES MÉDICOS, NIN FOTOCOPIAS DO LIBRO DE
FAMILIA. No suposto de precisar calquera
outra documentación solicitarémoslla no seu momento.
As familias teñen de prazo para presentar as solicitudes
no centro educativo até o día 30 de setembro.
0 comentarios:
Publicar un comentario