martes, 17 de xaneiro de 2017

Vivencias en familia 2017

O prazo de inscrición para todas as actividades é o seguinte:

Desde o 17 de xaneiro ao 28 de febreiro, incluídos

PALLOZAS DE ARENTEIRO-CARBALLIÑO

Datas:

Abril: 29, 30
Maio: 20, 21

Dúas quendas (débese escoller só unha):

29 e 30 de abril
20 e 21 de maio

O sábado ás 10.00 horas encontro no cámping e acomodo nas pallozas. Transporte particular.

Xogos cooperativos e de presentación, ruta de sendeirismo: visita ao complexo etnográfico e ruta arredor do Río Arenteiro, antiga fábrica de papel, balneario, etc
Obradoiro de achegamento á astronomía.
Observación astronómica.
Visita á piscifactoría do Carballiño.
Obradoiro de pegadas, rastros e sinais.

Domingo ás 21.00 horas retorno a Pontevedra.

O almorzo, xantar e cea será por conta dos participantes. Poden cociñar nas súas pallozas (levar os alimentos da casa) ou acudir ao restaurante do cámping.

É posible que sexa necesario compartir o aloxamento na mesma palloza entre varias familias, debido a que é imprescindible completar a capacidade de cada unha delas. Eses detalles seranvos comentados por teléfono, persoalmente en cada caso.

Prezo por persoa:

10 euros socios de ANPA federada en FANPA
30 euros non socios

CÁMPING CONCELLO DO GROVE

Datas de realización:

Xuño: 3 e 4

Sábado 3 chegada ó cámping ás 11:00 horas. Transporte particular.

Actividades acuáticas, actividade de rastrexo, actividades lúdicas no cámping e/ou na praia

O xantar e a cea do sábado e o almorzo do domingo están incluídos no prezo. As persoas que queden a comer o domingo pagarían 7 euros a maiores no mesmo día ao persoal do cámping e incluiría a merenda para levar.

Prezo por persoa en tenda de campaña (a levará cada familia):

19 euros socios de ANPA federada en FANPA
27 euros non socios

Prezo por persoa en bungalow:

28 euros socios de ANPA federada en FANPA
37 euros para non socios

É posible que sexa necesario compartir o aloxamento do mesmo bungalow entre varias familias, debido a que é imprescindible completar a capacidade de cada un deles. Avisaráselles por teléfono persoalmente.

SAN CIBRAO DE LÁS

Día:

Maio: 13

Saída do autobús ás 9.30 h desde o Pazo da Cultura

55 prazas dispoñibles
Visita guiada polo Parque Arqueolóxico da Cultura Castrexa
Obradoiro de elaboración de pan de landra
Xantar incluído. Débese avisar no caso de ter algunha alerxia alimentaria
Merenda non incluída. Cada participante pode levar a súa.
O regreso será ás 18.00 horas no mesmo lugar de recollida

GRANXA XANCEDA

Datas:

Maio: 27

55 prazas dispoñibles
Ás 9.00 h, saída desde o Pazo de Cultura
Pola mañá, visita á Aula da Natureza Brañas de Valga e á súa zona recreativa
Xantar non incluído. Cada un deberá levar a súa comida e bebida, xa que no lugar non hai posibilidades de comprala
Pola tarde, visita á Granxa Ecolóxica de Xanceda: animais, procesos e produtos elaborados, degustación
Regreso ás 18.00 h

ILLA DE SÁLVORA

Data:

Xuño: 10

100 prazas dispoñibles
Saída ás 10.00 h do peirao de Bueu
Hai que levar a comida e a bebida que se vaia consumir, non hai posibilidade de comprala no sitio
Ruta de sendeirismo e visita guiada polo Parque Nacional
Regreso ás 17.30 h

Método de inscrición:

Enviar un correo electrónico a actividades@nontedurmas.org cos seguintes datos:

Actividade/s nas que se solicita inscrición:

Día que solicita:

Nome completo do/s adultos (nai/pai etc):

Teléfono de contacto:

Nome de fillo/s ou fillas + idade:

Socio de ANPA si/non

Deberá enviarse un xustificante como unha foto do carné da ANPA ou recibo como anexo no correo

Notas : Poderá indicarse aquí cuestións de enfermidades/ circunstancias psicofísica especiais/ alerxias ou o que consideredes oportuno comentar.

Unha vez que vostede envíe o correo, responderáselle coa confirmación da reserva, en tanto haxa prazas dispoñibles, e a indicación da cantidade que deberá ingresar.
Para proceder ao pago deberá ir a a través da nosa plataforma de pagos seguros (https://fanpa.gal/vivencias), introducir a cantidade e proceder ao pagamento polo método da súa elección: tarxeta de crédito ou transferencia bancaria (manterase a reserva ata un prazo de 48 horas, tras recibir a resposta de correo de parte da FANPA).

Pagamento de ‘Vivencias en Familia’

Nota:

Coma noutras ocasións, unha vez inscritos na actividade, non se devolverá a contía de inscrición a non ser que non se poida asistir por enfermidade ou causa análoga debidamente xustificada.

No caso de facer a transferencia bancaria en persoa, recoméndase facer o ingreso na oficina propia da conta bancaria correspondente para evitar custos adicionais (Oficina de ABANCA, Rúa José Malvar Figueroa, 14 – Pontevedra)