Circular 6 de 13 de febreiro de 2012. Curso 2011-12.

ANPA Joaquín Costa do CEIP Álvarez Limeses

Rúa Joaquín Costa, 13 - 36001 Pontevedra

http://anpalavarezlimeses.blogspot.com

anpa.alvarez.limeses@gmail.com

                                     688 90 80 80

Circular 6 de 13 de febreiro de 2012. Curso 2011-12.

Bailes de entroido 2012

Como todos os anos a Anpa organiza os bailes de entroido na Discoteca Daniel (rúa Daniel de la Sota) en horario de 17:00 a 20:00 hs. os seguintes días:

Mércores, 15 de febreiro. Alumnado de 3º, 4º, 5º e 6º de Primaria.

Xoves, 16 de febreiro. Alumnado de infantil (3, 4 e 5 anos) e 1º e 2º de Primaria.

O ano pasado o prezo por persoa foi de 3,00 €, este ano o prezo por persoa para socios e acompañantes será de 1,00 €, ista cantidade só é posíbel porque conta cunha subvención da Anpa. O prezo para non socios mantense en 3,00 €.

Agradecemos que se vaia co diñeiro xusto. Non é necesario reserva nin entrada, cobraráse na porta.

Agardamos que os acompañantes acudan disfrazados coas rapazas e cos rapaces.

Actividades Extraescolares 2012

A comisión de actividades extraescolares propón, ademáis de manter as actuais, as seguintes para realizar nos meses de marzo, abril e maio:

Actividade	Dirixida a	Día e horario	Lugar	Prezo mensual
Expresión corporal	Infantil, 1º e 2º Primaria	Martes ou mércores 16:30 a 17:30	Ximnasio	12,00 €
Expresión musical	Infantil, 1º e 2º Primaria	Luns 16:30 a 17:30	Aula ou comedor	12,00 €
Baile galego	Infantil, 1º e 2º Primaria	Martes 17:30 a 18:30	Ximnasio	12,00 €
Técnicas de estudo	4º, 5º e 6º Primaria	Luns 16:30 a 18:00	Comedor	14,00 €

Podedes apuntar os cativos prenchendo a folla de inscripción de Anias que atoparedes mais abaixo e enviando por correo electrónico a extraescolares@anias.es, ou ben solicitando unha folla de inscripción na conserxería do colexio e despois depositala na caixa de correo da Anpa.

Moi importante: Para as/ os que estén interesados en que a súa nena e/ou o seu neno teña un mellor nivel de lingua inglesa lembrámoslles que existe um grupo os mércores de 17:30 a 18:30 hs. para alumnos de 3º a 6º de Primaria no que poderán mellorar notabelmente o dominio desta lingua, a un prezo sen competencia, 12,00 €.
                                                                                     

Ficha Insprcipcion Actividades Extraescolares Anias Curso 2011-2012


                                                                                  Recibide un cordial saúdo

Circular 5 de 19 de xaneiro de 2012. Curso 2011-12

Pago 2º cuatrimestre da Piscina de Campolongo

O pago do 2º cuatrimestre (febreiro a maio) da Piscina de Campolongo será de 9:00 a 9:30 hs. na recepción do colexio os seguintes dias:

• Martes, 24 de Xaneiro para as/os que xá estiveron apuntados no anterior cuatrimestre.
• Mércores, 25 de Xaneiro para as/os que se queiran apuntar agora.

A concesionaria da instalación, Serviocio, subiu o prezo respecto do anterior nun euro, polo que a cantidade a abonar é de 30,00 €. 

Tedes que dar o nome, apelidos, idade e teléfono de contacto. 

Traede o diñeiro xusto. Grazas.

Enquisa a nais e pais

Nos próximos dias colgaremos no blog os resultados da enquisa que vos fixemos en decembro. Se algunha persoa non ten acceso a internet, pode solicitar unha copia escrita no teléfono da Anpa 688 90 80 80.

                          

Recordatorio: A Xunta directiva da Anpa espera das nais e pais, sexan socios ou non, que nos fagan coñecer as súas inquietudes, protestas, ideas, queixas, reclamacións, preguntas... sobre as actividades extraescolares, funcionamiento do Colexio, e outras calquera cuestións que se susciten... Só se temos coñecemento de como trancurren as cousas poderemos actuar para facilitar unha mellor convivencia e calidade do ensino para as nosas fillas e os nosos fillos.

Grazas pola vosa  participación!

   

Recibide un cordial saúdo

                                                                                             

Circular 4 de 14 de novembro de 2011. Curso 2011-12.

Queremos recordar que continua aberta a oferta na maioria das actividades extraescolares organizadas pola Anpa para o presente curso. Agora que as/os nenas e nenos xa mostraron algún interese ou non polas actividades que escollichedes nun principio ou ben necesitan un complemento para un día determinado, lede as opcións seguintes que consideramos moi interesantes:

Informática visual. Os Mércores de  16:30 a 18:00 hs. Actividade na que as/os participantes  alumnos de 3º a 6º de primaria e nais e pais aprenderán non só coñecementos de informática senón tamén a súa aplicación práctica, así na fotografía (retoque fotográfico, montaxes,…). Esta actividade malia ser de hora e media, terá un custe de 12 €, e ao longo do curso haberá a maiores talleres nos que se farán diversas prácticas como curtrametraxes, edición musical, uso de periféricos… sen custe adicional.

Patinaxe. Martes de 17:30 a 18:30 hs. Para alumnos de primaria. Deporte de lecer para practicar toda a familia. Animádevos e facede ista actividade coas vosas fillas e cos vosos fillos para mantervos en forma.

Obradoiro creativo de artes plásticas. Para infantil e primaria. Os venres de 16:30 a 18:00 hs. Nunha amenísima aula os participantes aprenden a facer todo tipo de adornos (flores de papel, cinceiros), xoguetes (peluches), etc. Con materiais de rexeitamento, fomentando a creatividade, as habilidades manuais e mentais e o aproveitamento de cousas que tiramos ao lixo. Os resultados vos sorprenderán coma xa nos ocorre a algún de nós.

Para saber máis destas e outras actividades extraescolares chamade ao teléfono 615 780 528.

Lembrade que a directiva da Anpa agarda e agradece todas as vosas queixas, opinións e suxerencias sobre calquera tema que creades oportuno.

Grazas a todas/os. 

                                                                                      Recibide  un cordial Saúdo de 

Circular 3 de 3 de novembro de 2011. Curso 2011-12.

Con ista circular a Anpa únese a unha campaña que xá iniciaron diversas institucións e empresas para reducir o gasto innecesario de papel. A partir de agora as comunicacións da Anpa estarán escritas pólas duas caras da folla, Así que dalle a volta e saberás mais.

Tamén o número de telefono da Anpa mudou, agora é o 688 90 80 80. Um número mais doado de lembrar e no que poderás consultar calquera dúbida, facer suxerencias, etc. Lembra que buscamos a túa participación con ideas, comentarios, críticas, interpelacións. Non deixes de visitar periodicamente o noso blog.

Comezamos o envio de correos electrónicos masivos con información de interese para todas/os. Se non recibes o mesmo, ponte en contato mediante um correo e te incluiremos nos envíos.

Sabes que lle tes que dar a volta a ista folla para saber máis? Pois dalla!

                                                                     Recibe un Cordial Saúdo

Documentación e Impresos Curso 2015-2016

ESTATUTOS ANPA ALVAREZ LIMESES

Estatutos_ANPA

 ESTATUTOS ANPA ÁLVAREZ LIMESES

• Impreso Inscripción Socio Anpa Curso 2016-2017

 FICHA INSCRIPCIÓN SOCIO/A ANPA CURSO 2016-2017

• Impreso Comedor e Plan Madruga 2016-2017

 FICHA INSCRIPCIÓN COMEDOR E PLAN MADRUGA CURSO 2016-2017

       

• Impresos Actividades Extraescolares 2016-2017

 Horarios Actividades Extraescolares Anias 2016-2017

 Ficha inscripción Actividades Extraescolares ANIAS CURSO 2016-2017 

 Piscina Centro BUDO 2016-2017

 Piscina Campolongo 1º CUDRIMESTRE 2016-2017

 Folla Inscripción Playing in English curso 2016/2017

• ORZAMENTOS 

 CUMPLIMENTO ORZAMENTO CURSO 2015-2016

 ORZAMENTO PRESUPUESTADO CURSO 2016-2017

           

AVISOS: PISCINA E UNIFORME

1.- Compre facer o pago das actividades: PISCINA e XIMNASIA de Campolongo para o segundo cuadrimestre (25 €). Terán prioridade os nenos que xa estiveran matriculados no primeiro cuadrimestre.

Os alumnos xa matriculados durante o primeiro cuadrimestre deberán facer o pago o xoves 4 de Febreiro de 9:00 a 9:30 na porta principal do colexio.

Tamén poden facer o ingreso ata o mércores 3 de febreiro (inclusive) na conta da ANPA indicando en concepto piscina e nome e apelidos do neno.

(N° conta: Caixanova 2080/0401/63/0040139077)

Os demais alumnos optarán as prazas que queden libres por orde de chegada e pago o venres 5 de Febreiro de 9:00 a 9:30 na porta principal do colexio.

Se algún alumno quedase sen praza despois do venres, pode dirixirse directamente a piscina de Campolongo, xa que teñen prazas dispoñibles en distintos horarios. Para ver como recuperar as horas de clase perdidas durante a folga en vacacións: Entroido, Semana Santa, mes de Xuño,..., preguntar tamén na piscina.

2- Respecto ao tema da implantación dun UNIFORME DE USO VOLUNTARIO no colexio, a Xunta Directiva da ANPA considera que os resultados do sondeo efectuado non resultan concluíntes, xa que a participación non acadou nen o 40%. Por iso, decídese incorporar este tema como punto da orde do día da próxima Asamblea da ANPA que se celebrará cara final de curso.

RECIBIDE UN CORDIAL SAUDO