Encontros de Lusco e Fusco e exposicións no Pazo da Cultura

Festival Leverelem... das artes da fala Venres 5 e sábado 6 de outubro ás 21.00h Lugar: Teatro Principal de Pontevedra Prezo: 3 euros Máis información en www.pazodacultura.org e Facebook O Leverelem é o primeiro festival do mundo adicado ás artes da fala, á oralidade como medio artístico e de expresión, sen fronteiras estilísticas, sobre a tradición oral, a poesía, a comunicación, o teatro, a canción, o conto, a retórica, a expresión vocal, a regueifa, o cabaret, con música, radio, humor, verso, verbo, improvisación, mensaxe subliminal e lingua. Son dúas noites de espectáculos únicos na cidade de Pontevedra sobre a arte vocal dun xeito aberto para toda a cidadanía de todas as idades, condicións e estados de ánimo. O vernes 5 de outubro Radio ao Vivo presenta Xurxo Souto Con Sés, AFI, Trioliro Requeifeiros, P. Ceremuzynska, Novos Diplomáticos, conVersos O sábado 6 de outubro Noite de variedades presenta Quico Cadaval con Chévere, Paula Carballeira, Marián Bañobre, Cabraret, Triateros e Pei de Noz e actuacións de rúa pola zona vella os dous días a partires das 19.00h Prezo da entrada: 3 euros Horario da billeteira: unha hora antes do comezo da función na billeteira do Teatro Principal ______________________________________________________________________________________________ Novo circo Encontros Domingo 7 de outubro ás 19.30h Lugar: Pazo da Cultura de Pontevedra Prezo: 8 euros e 5 euros (menores, parados e xubilados) Máis información en www.pazodacultura.org e Facebook

Espectáculo multidisciplinar para toda a familia (a partir de 3 anos), onde o teatro físico, a danza e o novo circo se conxugan para crear un código propio de expresión, un punto de partida para comunicar, para contar ó público as inquedanzas que nos invaden. Esta montaxe xurde do encontro de dúas persoas, tócanse, úlense, séntense, e comezan o seu camiñar, xuntos. As habilidades físicas e interpretativas dos actores serán o lenzo no cal as emocións debuxan a historia, sinxela, onde os personaxes viaxarán pola sinuosa liña das relacións humanas; amosando tódalas cores que hai dentro de cada un de nós, expoñendo dende a bondade máis verdadeira ata a maldade máis extrema. Danza, acrobacia, equilibrios, manipulación de obxectos e xogos malabares estarán ó servizo da narración teatral. Serán as ferramentas que usarán os artistas para acompañar ó espectador neste percorrido polo acto da comunicación entre dúas persoas.   Venda anticipada en servinova.com. Séguenos en facebook http://on.fb.me/J90GfZ

---

Exposición Na beira do río. Diálogos na pintura Ata o 11 de novembro Lugar: Sala de exposicións do Pazo da Cultura Prezo: De balde Máis información en www.pazodacultura.org e Facebook

As artistas Teresa Brutcher e Ana Seoane amosan as súas pezas como xeito de encontro entre dúas xeracións.    De martes a venres de 17.00 a 21.00h, sábados de 11.00 a 14.00h e de 17.00 a 21.00h e domingos e festivos de 11.00 a 14.00h. Luns pechado   Séguenos en facebook http://on.fb.me/J90GfZ

---

Exposición Outro lado. Outra vida Ata o 11 de novembro Lugar: Sala de exposicións do Pazo da Cultura Prezo: De balde Máis información en www.pazodacultura.org e Facebook A fotografía de Miguel Vidal amosa o coñecemento de diferentes persoas que acostuman atoparse ao outro lado das redes sociais. Martes a venres de 17.00 a 21.00h. Sábados de 11.00 a 14.00h. Domingos e festivos de 11.00 a 14.00h. Luns pechado. Séguenos en facebook http://on.fb.me/J90GfZ

Recibide un cordial saúdo