Circular 12
de 3 de maio de 2013. Curso 2012-2013
Baile
galego. Día
da muiñeira 2013
Comezou o grupo que prepara a participación no Día
da muiñeira, que se celebra na tarde do venres 31 de maio, os sábados no ximnasio do colexio en
horario de 12:00 a 14:00 hs. os días:27 de abril, 4, 11 e 25 de maio. Mañá tedes a oportunidade de
comezar as/os que aínda non o fixestes. O custo para socias/os é de 5,00 €, e para non socias/os de 20,00 €. Tentaremos
conseguir un bo prezo para as rapazas e
os rapaces que teñan que arrendar o traxe para participar na concentración,
paseo polas rúas da zona vella e posterior baile na Avenida Montero Ríos.
As persoas interesadas deben presentarse mañá sábado
ás 12:00 hs. no colexio.
Fotos
recordatorio
IMPORTANTE
ACLARACIÓN: A empresa de fotografía Beni Feijoo propuxo pola súa conta e risco a ista Anpa a posibilidade de
facer fotos de todos os alumnos do colexio para presentar ás familias a un
prezo excelente e sen compromiso de
adquisición un sobre con fotografías individuais e de grupo. Como nos
pareceu interesante accedimos a
colaborar desinteresadamente pois tratábase de ofertar un plus as familias: as que
as querían pagaban un prezo económico e
as que non as devolvían para a súa destrucción posterior.
Duns 360 sobres repartidos a maioría foron ou ben
pagados ou devoltos. Pero uns
100-120 nin unha cousa nin a outra, polo que sentimos verdadeira vergoña
allea e carraxe en como podemos compartir espazo educativo con proxenitores que non son quen
de responsabilizarse de
algo tan sinxelo como achegarse a
Bambola (rúa Cruz Gallástegui, a 100 metros do colexio) para pagar ou
devolver as fotos. Como
poden apropiarse indebidamente de algo
que non lIes pertence por non habelo pagado ou devolto. Pedimos encarecidamente que paguen ou devolvan as
fotos como mínimo recoñecemento ao esforzo da empresa. Máis adiante e para os cursos
fin de ciclo (cada 3 anos) haberá unha orla que se repartirá a prezo asequible
e sempre sen compromiso de adquisición.
Reparto de
balde de libros
Con motivo do Día do libro e do Día das letras galegas
e debido á relación de colaboración con OQO editora a Anpa entregará
gratuitamente un libro da citada editorial a cada rapaz e rapaza membros
da Anpa. Ista entrega é persoal,
debe acudir cada cativo a recoller o libro que elixa dos presentes. O acto de
entrega terá lugar o sábado día 11 de maio de 2013 de 11:00 a 14:00 hs. no edificio do
comedor do colexio.
Asemade a Anpa sorteará entre todos as/os
asociadas/os odía 11 de maio de 2013 ás 13:30 hs. no edificio do comedor do colexio, 2 vales para unha masaxe
de costas e 3 bonos de iniciación a pilates, obsequio de FIMEGA. Ver no blog
as ofertas para asociadas/os da Anpa. www.fimega.com
Ciclo de cine
Para o filme "Nocturna,
unha aventura máxica" a proxectar
no auditorio do Sexto edificio do Museo de Pontevedra o sábado 11 de maio de 2013 a
partires das
17:00 hs., as entradas de balde repartiranse o vindeiro martes 7 de maio de 2013 de 9:00 a 9:15
hs. no
vestíbulo de dirección do colexio.
0 comentarios:
Publicar un comentario