Circular 14 de 23 de maio de 2013. Curso
2012-2013
Ciclo de cine
O último filme do ciclo de cine proxéctase o sábado 1 de xuño de 2013 a partires das
17:00 hs., trátase da película de
animación xaponesa “Gake no ue no Ponyo”
(Ponyo nos cantís) do director Hayao
Miyazaki (“Porco rosso”, “A viaxe de Chihiro”, “A pricesa Mononoke”). Sobresaliente
filme de animación do extraordinario director nipón. No auditorio do Sexto
edificio do Museo de Pontevedra.
O reparto de billetes será o vindeiro martes
28 de maio de 9:00 a 9:15 hs. no vestíbulo de dirección do colexio.
Reparto de balde de
libros
A
Xunta directiva acordou facer un novo
reparto de libros de balde para as/os que non puideron recollelos o sábado
asignado. Será o luns 3 de xuño de 17:00
a 20:00 hs. no edificio do comedor do colexio. Só para asociadas/os e teñen
que vir cada nena/o en persoa interesada/o.
Ista
iniciativa supón un esforzo grande tanto por parte de OQO editora como da Anpa
ñpolo que agardamos teña unha boa acollida.
Excursións á Fraga do Barragán e Campolameiro
As
persoas que non se anotaron a istas excursións aínda está a tempo de facelo, son o sábado 8 de xuño de 2013. Deben
entregar o antes posíbel a folla de inscrición debidamente cumprimentada, a
fotocopia da cartilla sanitaria e o importe. Máis información como sempre no
blog e no teléfono da Anpa.
Varios
Día da muiñeira. A Anpa participa cun grupo de
rapazas e rapaz, que veu
preparándose os últimos sábados, no Día da muiñeira que se celebra na tarde do venres 31 de maio de 2013 polas rúas da
zona vella de Pontevedra e na avenida Montero Ríos.
Actividades extraescolares. No mes de xuño haberá
actividades extraescolares as dúas primeiras semanas de mes; o cargo por parte
da empresa será pola metade do importe mensual habitual.
Nas
diferentes actividades preparan os monitores exhibicións e demáis. Por exemplo
en fúbol de pequenos haberá un partido entre eles. En baloncesto estamos a
programar uns partidos contra Campolongo. En debuxo e pintura unha exposición
de traballos, etc. Estade atentos.
Orlas de fin de ciclo de infantil e
primaria. Nos
próximos días repartiranse entre os alumnos de 6º de infantil (5 anos) e 6º de
primaria as fotos e orlas de fin de ciclo. A mecánica será a mesma que nas
fotos xa repartidas. Agardamos que sexan do voso interese, pero senón estades
interesados POR FAVOR devolvede o
sobre sen abrir.
Festa fin curso. No último día lectivo a Anpa
fará a festa fin de curso para todos os alumnos do colexio. Estamos a pensar
nunha festa novidosa que recupere actividades de sempre. Só podemos adiantar que este ano non
teremos festa da auga. Podedes, coma sempre, aportar ideas e opinións, é o
carburante que mantén en marcha ista organización.
0 comentarios:
Publicar un comentario