Circular 13 de 10 de maio de 2013. Curso
2012-2013
Reparto de balde de
libros
Lembramos
que o vindeiro sábado de 11:00 a 14:00 hs. terá lugar no andar baixo do
edificio do comedor do colexio a entrega de balde dun libro para cada rapaz/a
membro da Anpa con motivo do Día do libro e do Día das letras galegas.
Con
ista iniciativa pretendemos fomentar a lectura, para iso cada cativo escollerá
un libro dos alí presentados que será rotulado co seu nome. A idea e que
despois de lelo faga intercambio cas/cos súas/seus compañeiras/os para acceder
á lectura de varias obras. Ista
iniciativa só é posíbel pola boa relación existente con OQO editora dende que
se proxectaron os seus curtametraxes no ciclo de cine. A entrega é persoal,
debe acudir cada cativo a recoller o seu libro.
Asemade a Anpa sorteará entre todos as/os
asociadas/os o mesmo día ás 13:30 hs. e no mesmo lugar os
2 vales para unha
masaxe de costas e 3 bonos de iniciación a pilates,
obsequio de FIMEGA. Ver no blog as ofertas para
asociadas/os da Anpa. www.fimega.com
Ciclo de cine
No ciclo de cine proxéctase este sábado 11 de maio de 2013 a partires
das 17:00 hs o quinto filme (de
animación) do ciclo “Nocturna, unha
aventura máxica” coas voces de Imanol Arias e Carlos Sobera no auditorio do
Sexto edificio do Museo de Pontevedra. Goya 2007 a mellor película de
animación.
Se algunha persoa non puido recoller os
billetes o martes pode facelo o mesmo sábado pola mañá cando vaian polo libro,
ou ben pondose en contacto coa Anpa no teléfono da mesma.
Excursión de 2º e
3º de primaria ao
Sendeiro da Fraga
do Barragán
Debido
ás primeiras comuñóns do día 25 de maio abrimos un prazo para que escollerades
o día que máis os interesase para facer a excursión. Votaron 37 familias co
seguinte resultado: 25 de maio (9 votos), 8 de xuño (20 votos) e 15 de xuño (8
votos). Polo que trasladamos ista excursión
ao sábado 8 de xuño de 2013. Debedes comprender que pode haber tantas datas
como familias mais só se pode facer nunha determinada!
Alguén
nos preguntou se podían acudir nais e pais ao sendeiro... entendemos que é unha
actividade das/dos nenas e nenos e é mellor que neste caso vaian sós.
Excursión de 6º de
infantil e 1º de primaria ao
Parque arquelóxico
de Campo Lameiro
Ista
excursión podía facerse o día programado (25 de maio), mais coincide co grupo
que está a preparar o Día da muiñeira (31 de maio); e despois da petición da
monitora de tentar aproveitar ao máximo as poucas horas dispoñibles decidimos tamén adiala ao día 8 de xuño de
2013.
O cobro das dúas excursións farase o mércores día 15 de maio de 2013 de 9:00 a 9:30 hs. no vestíbulo de
dirección do colexio.
0 comentarios:
Publicar un comentario